សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងស្រាបើករថយន្តលឿនជ្រុលបុករយន្តមួយគ្រឿងទៀត បណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង១១និង៤០នាទីយប់ ថ្ងៃចន្ទ ១៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែឧសភា ឆ្នាំ២០១៨ នៅខាងកើតផ្លូវរថភ្លើងចំហាងប្រហែល១០០ម៉ែត្រ តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅ៣ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលហេតុគេបានឃើញរថយន្តទូរីសពណ៌ ស ពាក់ស្លាកលេខភ្នំពេញ2T 9624 បើកបរតាមបណ្តោយផ្លូវជាតិលេខ៤ក្នុងទិសដៅពីកើតទៅលិចខណះមកដល់ចំណុចកើតហេតុស្រាប់តែមានរថយន្តម៉ាកCRV ពណ៌ទឹកប្រាក់ពាក់ស្លាកលេខភ្នំពេញ2N 7624 បើកបរដោយបុរសម្នាក់ស្រវឹងស្រាជោក ធ្វើដំណើរបញ្ច្រាសទិសគ្នាក្នុងល្បឿនលឿន ក៏ជ្រុលបុកពេញទំហឹងបណ្តាលឲ្យរងការខូចខាតយ៉ាងដំណំ ។
ក្រោយពេលកើតហេតុសមត្ថកិច្ចបានចុះមកដល់ចំណុចកើតទំនាក់ទំនងជំនាញវាស់វែងយករថយន្តទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយពេលក្រោយ ៕ សុខាសែនជ័យ
