សារព័ត៌មាន នគរវត្ត តែងតែនាំមុខគេជានិច្ច
បើទោះបីឪពុក ម្តាយ កើត នៅក្នុងប្រទេសថៃ ហើយ លោកថាក់ស៊ីន ដែលជារាមច្បងនៅក្នុងត្រកូលស៊ីណាវ៉ាត្រា ក៏បានកើតនៅក្នុងប្រទេស ថៃ ប៉ុន្តែ លោក និងគ្រួសារ បងប្អូន មិនដែលភ្លេចដើមកំណើតពិតប្រាកដរបស់បុព្វរី ខ្លួនឡើយ គឺមានដើមកំណើតនៅក្នុងប្រទេសចិន ។
ពេលថ្មីៗនេះ លោក និង ប្អូនស្រី ដែលអាអតីតនាយករដ្ឋមន្ត្រីថៃ រងការធ្វើរដ្ឋប្រហារដោយយោធាដូចគ្នា បានធ្វើដំណើរទៅកាន់ប្រទេសចិន ដើម្បីសួរសុខទុក្ខ និងគោរព ដល់ បុព្វរីរបស់ខ្លួន ដែលមានដើមកំណើតនៅទីនោះ។លោក ថាក់ស៊ីន និងលោកស្រី យីងឡាក បានទៅកាន់ដែនដីស្រុកកំណើត ជីដូនជីតា របស់ឪពុក នៅភាគខាងត្បូង ប្រទេសចិន ហើយទទួលបានការស្វាគមន៍យ៉ាងកក់ក្តៅបំផុតពីពលរដ្ឋនៅក្នុងតំបន់ ។
សារព័ត៌មាន South China Morning post របស់ហុងកុង បានផ្សាយថា អតីតនាយករដ្ឋមន្ត្រីថៃ លោកថាក់ ស៊ីន និងប្អូនស្រី យីងឡាក់បានទៅកាន់ភូមិ Taxia ស្ថិតនៅតំបន់ Fengshun ខេត្តក្វាងទុងប្រទេសចិន ដើម្បីស្វែងរកជួបសាច់ញ្ញាតិខាងឪពុកនៅទីនោះ។
លោកថាក់ ស៊ីន និងលោកស្រី យីង ឡាក់ ជាជនអន្តោប្រវេសន៍ចិនជំនាន់ទី ៤ នៅថៃ ជាកូនចៅ នៃត្រកូល Hakkas នៅក្នុងប្រទេសចិន ។ កាលពីថ្ងៃទី ៦ខែមករា ឆ្នាំ២០១៩ លោកស្រី យីងឡាក់បាន បង្ហោះវីដីអូ ស្តីពីដំណើរទៅកាន់ ប្រទេសចិន លើបណ្តាញ Instagram ដោយបានសរសរថា « បងប្អូនជនជាតិចិន បានមកស្វាគមន៍ បងប្អូនខ្ញុំ ពេលមកទីនេះដើម្បីនឹកគុណដល់ បុព្វការីជន ដើមកំណើតចិន»។
នៅក្នុងវីដីអូ បងប្អូនត្រកូល ស៊ីណាវ៉ាត្រា បានចេញពីរថយន្ត ពណ៌ខ្មៅ ដោយមានក្រុមអង្គរក្សការពារ ពាក់អាវធំជាច្រើននាក់ ដើរក្បែរ ។ ពលរដ្ឋនៅក្នុងតំបន់បាននាំគ្នាទៅស្វាគមន៍ និងសួរសុខទុក ថាក់ស៊ីន និងយីងឡាក់ ហើយបានជជេកគ្នា ដោយភាពស្និតស្នាល សម្បាយរីករាយបំផុត ។
ពីរនាក់បងប្អូន ថាក់ស៊ីន បានទៅរៀបពិធីសែនតាមប្រពៃណី នៅព្រះវិហាបុព្វបុរសក្នុងភូមិ ដើម្បីជាការនឹកគុណ ។
លោក Seng Saekhu ដែលជាបុព្វការី របស់ អតីតនាយករដ្ឋមន្ត្រីថៃ ទាំងពីរ រូប បានចាកចេញពីខេត្តក្វាងទុង ទៅកាន់ប្រទេសសៀម បច្ចុប្បន្ន ជាប្រទេសថៃនៅឆ្នាំ១៨៦០ ។ ដោយរស់នៅបង្កើតកូនចៅ ក្នុងប្រទេសសៀម ។ លោកថាក់ស៊ីន និងលោកស្រី យីងឡាក់គឺជា កូនចៅជំនន់ទី៤ ។
អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា បានភៀសខ្លួនទៅរស់នៅក្រៅប្រទេស ក្រោយរដ្ឋប្រហារនៅក្នុងឆ្នាំ ២០០៦ ចំណែកប្អូនស្រី លោកស្រីយីងឡាក់ ក៏បានភៀសខ្លួនទៅនៅក្រៅប្រទេស នាឆ្នាំ ២០១៤ ដោយរដ្ឋប្រហារដូចគ្នា ដើម្បីបញ្ជៀសការចាប់ដាក់ពន្ធនាគា ពីរដ្ឋាភិបាលយោធាថៃ ៕
