សារព័ត៌មាន នគរវត្ត តែងតែនាំមុខគេជានិច្ច
នាវាទេសចរណ៍ទំនើបៗ កំពុងតែពេញនិយម សម្រាប់ក្រុមអ្នកមាន ដើរកម្សាន្ត ហើយការផលិតនាវាប្រណីតកំពុងតែត្រូវបានយកចិត្តទុកដាក់ ពីបណ្តាក្រុមហ៊ុនធំៗ នៅលើពិភពលោក ។
នៅពេលនេះដែរ ក្រុមហ៊ុន Luxus បង្ហាញនាវាទេសចរណ៍ដ៏ប្រណីតផលិតនៅអាមេរិក ។ នាវាទេសចរណ៍ផលិតតាមគំរូ Concept Sport Yacht ឆ្នាំ២០១៧ ដោយមានឈ្មោះថា LY650 ។
កាលពី ឆ្នាំ២០១៨ ក្រុមហ៊ុន Lexus បានប្រកាសពីរូបគំរូនាវា LY 650 ដោយមានរូបរាំងដូចទៅនឹងនាវា Concept Sport Yacht ។ ប៉ុន្តែនាវាLY650 មានទំហុំធំជាង ដោយមានប្រវែង១៩,៨ម៉ែត្រ ចំណែក Concept Sport Yachtមានប្រវែងតែ១២,៨ម៉ែត្រប៉ុណ្ណោះ ។
នាវាluxus ប្រើប្រាស់ម៉ាស៊ីនពីរ គឺ IPS មានកម្លាំង ៨០០សេស ដោយមានធុងសាំង ផ្ទុកបានដល់ទៅ៣៧៨៥លីត្រ ។ នៅពេលនេះ គេមិនទាន់ដឹងថា នាវា Luxus នឹងត្រូវផលិតប៉ុន្មានគ្រឿងនោះឡើយ ហើយតម្លៃរបស់វានឹងត្រូវប្រកាសឲ្យដឹងនាពេលខាងមុខ ។ នាវាដំបូង នឹង បង្ហាញជាផ្លូវការ នៅពេលដ៏ខ្លីខាងមុខ ។
Luxus មិនមែនជាក្រុមហ៊ុនផលិតរថយន្តដំបូង ដែលបានផលិតនាវាទេសចរណ៍ប្រណីតនោះឡើយ ។ កាលពីឆ្នាំ២០១៧ ក្រុមហ៊ុន Porsche Design ធ្លាប់បានផលិតនាវាទេសចរណ៍ប្រណីត Dynamiq GTT 115 មានតម្លៃដល់ទៅជាង១៣លានដុល្លារអាមេរិក៕
