សារព័ត៌មាន នគរវត្ត តែងតែនាំមុខគេជានិច្ច
អាមេរិកបានព្យាយាមប្រើគ្រប់វិធីសាស្ត្រដើម្បីអូសទាញសម្ពន្ធមិត្ត និងប្រទេសជាច្រើនជុំវិញពិភពលោក ឲ្យប្រឆាំងនឹងឥទ្ធិពលរបស់ចិន ។ ប៉ុន្តែការប្រឆាំងនោះ បែរជាធ្វើឲ្យចិនកាន់តែមានកម្លាំងខ្លាំង ជាងមុនទៅទៀត ។
ប្រទេសជាច្រើនជុំវិញពិភពលោក ត្រូវការ ការអភិវឌ្ឍសេដ្ឋកិច្ចជារឿងសំខាន់ ហើយចិននាពេលបច្ចុប្បន្ន ដើរតួនាទីយ៉ាងសំខាន់ក្នុងការអភីវឌ្ឍទាំងនោះ ។ ចិនបានវិនិយោគទៅលើប្រទេសជាច្រើន ដែលជាសម្ពន្ធមិត្តរបស់អាមេរិក ក្នុងនោះមានប្រទេសអូស្ត្រាលីជាដើម ដោយអូស្ត្រាលីបានជួលកំពង់ផែឲ្យចិន ក្នុងរយៈពេល៩៩ឆ្នាំ ។
នៅពេលនេះ កម្លាំងទាហានជើងទឹកអាមេរិក បានឡើងគម្រោង សាងសង់កំពង់ផែទឹកនៅប្រទេសអូស្ត្រាលី នៅជិតកំពង់ផែដែលចិន ជួលពីអូស្ត្រាលីរយៈពេល៩៩ឆ្នាំ ។ សកម្មភាពខាងលើ របស់អាមេរិក ដោយបារម្ភខ្លាចចិន មានឥទ្ធិពលកាន់តែខ្លាំង នៅតំបន់អាស៊ីប៉ាស៊ីហ្វិក ។
រដ្ឋមន្ត្រីការបរទេសអូស្ត្រាលី លោកស្រី Marise Payne កាលពីថ្ងៃទី៣០ ខែកក្កដា បានប្រកាសថា អាមេរិក បានឡើងគម្រោងសាងសង់ កំពង់ផែទាហានជើងទឹក នៅអូស្ត្រាលីនាពេលដ៏ខ្លីខាងមុខ ។ ការសាងសង់កំពង់ផែ គឺរង់ចាំតែសភាអាមេរិកអនុម័តតែប៉ុណ្ណោះ ។
លោកស្រី Marise Payne បានបញ្ជាក់ទៀតថា ការសាងសង់កំពង់ផែទាហានជើងទឹកគឺសមស្រប់ទៅ និង កិច្ចព្រមព្រៀង ដែលប្រទេសទាំងពីរបានចុះហត្ថលេខាកាលពីឆ្នាំ២០១១ ស្តីពីទំនាក់ទំនងការពារជាតិ ។ តាមកិច្ចព្រមព្រៀងនោះអាមេរិក និងបញ្ជូនទាហានជើងទឹកវាយឡើងគោក ២៥០០នាក់មកកាន់ប្រទេសអូស្ត្រាលី ហើយទាហានប្រទេសទាំងពីរ នឹងធ្វើសមយុទ្ធជាប្រចាំ ។
សារព័ត៌មានABC បានផ្សាយថា ទីក្រុងវ៉ាស៊ីនតោន មានបំណងសាងសង់កំពង់ផែនៅជិតទីក្រុង Darwin ស្ថិតនៅភាគខាងជើងប្រទេសអូស្ត្រាលី ។ ប្រសិនបើព័ត៌មានខាងលើជាការពិត នោះ គឺទីតាំងទាហានជើងទឹកអាមេរិក នៅជិតកំពង់ផែ Darwin ដែលក្រុមហ៊ុនចិនបានជួលរយៈពេល ៩៩ឆ្នាំ តាមកិច្ចព្រមព្រៀងកាលពីឆ្នាំ២០១៥ ។
ពាក់ព័ន្ធបញ្ហាវិវាទនៅសមុទ្រចិនខាងត្បូង អគ្គរដ្ឋទូតចិនប្រចាំនៅក្នុងប្រទេសហ្វីលីពីនបានប្រកាសថា ទីក្រុងប៉េកាំង មិនបានស្វែងរកតំណែងជាមហាអំណាចឡើយ ហើយក៏មិនបង្កើនតំបន់មានឥទ្ធិពលនោះដែរ ។ មិនតែប៉ុណ្ណោះ ចិន នឹងមិនបាញ់គ្រាប់កាំភ្លើងដំបូងគេនោះដែរ ។
អគ្គរដ្ឋទូតចិន លោក Zhao Jianhua បានបញ្ជាក់ថាទីក្រុងប៉េកាំង នឹងមិនស្វែងរកមហាអំណានោះឡើយ បើទោះបីចិនមានសមត្ថភាពខ្លាំងក្លា ប៉ុណ្ណាក៏ដោយ ។
ការលើកឡើងខាងលើរបស់អគ្គរដ្ឋទូតចិន ក្នុងឱកាស់ខួបគម្រប់ ៩២ឆ្នាំថ្ងៃបង្កើតកម្លាំងបដិវត្តន៍ប្រជាជនចិន ថ្ងៃទី២៩ ខែកក្កដា ។ ការប្រកាសខាងលើត្រូវបានបង្ហោះនៅលើបណ្តាញហ្វេសប៊ុក របស់ស្ថានទូតចិន ប្រចាំនៅហ្វីលីពីន ។
លោក Zhao Jianhuaបញ្ជាក់ទៀតថា «ចិនអនុវត្តយុទ្ធសាស្ត្រ ការពារ គោរពទៅតាំច្បាប់ការពារ ដោយប្រតិកម្ម នៅពេលរងការវាយប្រហារ ។ ទាំងនោះមានន័យថា យើងមិនបាញ់គេមុន ឡើយ បើគេបាញ់យើងទើបយើងតបវិញ» ។ លោក បន្តទៀតថា ចិនដើរតាម ផ្លូវសន្តិភាព ទាំងនោះជាការសន្យាជាមួយជនជាតិចិន និងពិភពលោកទាំងមូល ហើយចំណុចនេះនឹងគត់ត្រានៅក្នុង រដ្ឋធម្មនុញ្ញចិន ។
លោកបន្តទៀតថា ចិន និងសហការជាមួយហ្វីលីពីនក៏ដូចជាបណ្តាប្រទេស ដែលជាប់ពាក់ព័ន្ធ ក្នុងវិវាទសមុទ្រចិនខាងត្បូង តាមរយៈកិច្ចពិភាក្សា និងប្រឹក្សា ទៅលើការពិតនៃប្រវត្តិសាស្ត្រ និងច្បាប់អន្តរជាតិ ។ កន្លងមកប្រធានាធិបតីហ្វីលីពីន ក៏ធ្លាប់បានលើកឡើងថា «ខ្ញុំមិនល្ងង់ទៅវាយប្រហារចិននោះឡើយ ។ មីស៊ីចិនប្រើពេលតែ៧នាទីប៉ុណ្ណោះអាចកម្ទេចហ្វីលីពីនបាន»៕
