សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅម៉ោង១៥និង៣០រសៀល ថ្ងៃទី១៩ ខែមេសា ឆ្នាំ២០២០ ,កម្លាំងជំនាញនៃអធិកាដ្ឋានករបាលខណ្ឌឬស្សីកែវបានសហការជាមួយនឹងកម្លាំងនគរបាលខណ្ឌប៉ុសិ៍្តស្វាយប៉ាក បានស្រាវជ្រាវបង្ក្រាប ជនសង្ស័យ២នាក់ ជាក់ស្ដែងករណីជួញដូរដោយខុសច្បាប់នូវសារធាតុញៀន ត្រង់ចំណុចភូមិ៦ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
លោក ហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ៖ ការបង្ក្រាបនោះសមត្ថកិច្ចយើងឃាត់ខ្លួនបាន ជនសង្ស័យចំនួន២នាក់ រួមមាន៖
១ ឈ្មោះ សួន ង៉ា ភេទប្រុស អាយុ២២ឆ្នាំ ជនជាតិខ្មែរ មានទីលំនៅ ស្រុកបរិបូរណ៏ ខេត្តកំពង់ឆ្នាំង។ មុខរបបើកបរ។
២ ឈ្មោះ មួន បូរ៉ា ភេទប្រុស អាយុ២៧ឆ្នាំ ជនជាតិខ្មែរ មានទីលំនៅស្នាក់នៅការដ្ឋានសំណង់ ឃុំព្រែកតាទែន ស្រុកពញាឮ ខេត្តកណ្តាល។ មុខរបកម្មករ។ ក្នុងនោះសម្ភារចាប់យកមាន៖ ក្រាមពណ៌សថ្លាចំនួន៤កញ្ចប់។
ក្រោយពីឃាត់ខ្លួនជនសង្ស័យទាំងពីររួច និងវត្ថុតាងត្រូវបាន កម្លាំងជំនាញបានបញ្ជូនទៅកាន់អធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងតាមនីតិវិធីបញ្ជូនទៅតុលាការ៕ដោយ៖ ស រស្មី
