សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ ដែលជាមុខសញ្ញាជួញដូរដោយខុសច្បាប់នូវសារធាតុញៀន ត្រូវបានកម្លាំងជំនាញ នៃអធិការដ្ឋាននគរបាលខណ្ឌឬស្សីកែវ សហការជាមួយនគរបាលប៉ុសិ៍្តស្វាយប៉ាក ស្រាវជ្រាវបង្ក្រាបនិងឃាត់ខ្លួនជាក់ស្តែង រួមនិងម្សៅក្រាមពណ៌សថ្លាចំនួន ៦កញ្ចប់តូច កាលពីវេលាម៉ោង១៤និង៣០នាទីរសៀល ថ្ងៃទី២ខែឧសភា ឆ្នាំ២០២០ ត្រង់ចំណុចក្រុម១០ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
លោកវរសេនីយ៍ទោ ហ៊ាង ថារ៉េត អធិការនគរបាលខណ្ឌឬស្សីកែវ បានឲ្យដឹងនៅថ្ងៃទី២ ខែមេសា ឆ្នាំ២០២០នេះថា ក្នុងប្រតិបត្តិការនោះសមត្ថកិច្ចជំនាញ បានឃាត់ខ្លួនជនសង្ស័យចំនួន២នាក់ ១ឈ្មោះ ខាត់ ចិន្តា ភេទប្រុស អាយុ៣៣ ឆ្នាំជនជាតិខ្មែរ មានទីលំនៅ សង្កាត់ ជ្រោយចង្វារខណ្ឌជ្រោយចង្វាររាជធានីភ្នំពេញ មុខរបរកម្មករសំណង់។
២ឈ្មោះឈិន ជីវ៉ៃ ភេទប្រុស អាយុ២៦ឆ្នាំ ជនជាតិខ្មែរ ទីលំនៅសង្កាត់ឃ្មួញ ខណ្ឌសែនសុខរាជធានីភ្នំពេញញមុខរបរជាងសំណង់។
សម្ភារៈដកហូតមាន៖
-ក្រាមពណ៌សថ្លាចំនួន០៥កញ្ចប់ ដកហូតពីឈ្មោះ ខាត់ ចិន្តា។
-ក្រាមពណ៌សថ្លាចំនួន០១កញ្ចប់ ដកហូតពីឈ្មោះ ឈិន ជីវ៉ៃ។
ក្រោយឃាត់ខ្លួនជនសង្ស័យ រួមនិងវត្ថុតាង ត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿង ចាត់ការតាមនិតិវិធីច្បាប់ ៕ដោយ៖ស រស្មី
