សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ០២នាក់ត្រូវកម្លាំងនគរបាលប៉ុស្តិ៍រដ្ឋបាលឃ្មួញធ្វើការឃាត់ខ្លួនករណីប្រើប្រាស់ដោយខុសច្បាប់នូវសារធាតុញៀន ។ការឃាត់ខ្លួនជនសង្ស័យទាំងពីរនាក់ខាងលើនេះគឺសមត្ថកិច្ចធ្វើឡើងកាលពីវេលាម៉ោង១២ និង៣០នាទីរសៀលថ្ងៃទី០៥ ខែឧសភា ឆ្នាំ២០២០ នៅចំណុចក្នុងឃ្លាំងទុកចោល តាមផ្លូវបេតុង ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ។
សមត្ថកិច្ចបានឱ្យដឹងថា ជនសង្ស័យទាំងពីរនាក់នោះទី១-ឈ្មោះ អឿន សុភណ្ឌ័ ភេទប្រុស អាយុ២៧ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួលក្នុង សង្កាត់ព្រែកប្រា ខណ្ឌច្បារអំពៅ និងទី២-ឈ្មោះ សុខ សំណាង ភេទប្រុស អាយុ១៩ឆ្នាំ ជនជាតិវៀតណាម មុខរបរគ្មាន ស្នាក់នៅបន្ទប់ជួល ក្នុងសង្កាត់ផ្សារដើមគ ខណ្ឌទួលគោក។
នគរបាលប៉ុស្តិ៍ឃ្មួញបានឱ្យដឹងទៀតថាជនសង្ស័យទាំងពីរនាក់នោះគឺកម្លាំងបានធ្វើការល្បាតហើយឃើញពួកគេកំពុងជិះម៉ូតូ០១គ្រឿង ម៉ាកសង់ប៊ិច ពណ៌ខ្មៅ ពាក់ស្លាកលេខភ្នំពេញ1BH-5963 គួរឱ្យសង្ស័យក៏ឃាត់យកមក ពិនិត្យទឹកនោមឃើញមានផ្ទុកសារធាតុញៀនទើបឃាត់ខ្លួនតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕ ដោយ៖ ចន្ទ លីហ្សា
