សារព័ត៌មាន នគរវត្ត តែងតែនាំមុខគេជានិច្ច
ក្លិបបិសាចក្រហម Manchester United អាចចុះហត្ថលេខាយកកីឡាករ Aaron Ramsey របស់ក្លិបសេះបង្កង់ Juventus ។ ប៉ុន្តែការចង់បាននេះត្រូវតែមានការដោះដូរយកខ្សែបម្រើ Paul Pogba មកវិញ បើសិនជាមានលក្ខខណ្ឌចរចាណាមួយ។
ខ្សែបម្រើសញ្ជាតិបារាំង Pogba នៅក្លិបបិសាចក្រហមកំពុងមានអនាគតស្រពិចស្រពិលក្រោយរូបគេចង់ទៅលេងនៅក្លិបណាដែលប្រកួតប្រជែងនៅក្របខ័ណ្ឌ Champions League។ ចំណែកក្លិប Juventus មានភាគរយខ្ពស់ក្នុងការយកកីឡាកររូបនេះមកវិញ។
ក្រៅពីក្លិបសេះបង្កង់ Juventus ដែលចង់បាន Pogba មកវិញក៏មានក្លិបយក្សអេស្ប៉ាញគឺ Real Madrid ក៏ចង់បាន Pogba ពីក្លិបបិសាចក្រហមដែរ។ Pogba បច្ចុប្បន្នមានវ័យ២៧ឆ្នាំ និងលេងបានតែ៨ប្រកួតប៉ុណ្ណោះក្នុងរដូវកាលនេះដោយសារបញ្ហារបួសរ៉ាំរ៉ៃ។ កីឡាកររូបនេះពីដើមមក គឺជាកីឡាកររបស់ក្លិបសេះបង្កង់ ត្រូវបានក្លិបបិសាចក្រហមទិញយក ប៉ុន្តែឥឡូវនេះបែរជាក្លិប សេះបង្កង់ចង់បានរូបគេមកវិញ ៕ដោយ៖ភារៈ
