សារព័ត៌មាន នគរវត្ត តែងតែនាំមុខគេជានិច្ច
ស្ថាប័នបាល់ទាត់ពិភពលោក ( FIFA) បានបើកការស៊ើបអង្កេតលើការផ្ទេរខ្សែបម្រើ Bruno Fernandes ពីក្លិប Sporting CP ទៅកាន់ក្លិបបិសាចក្រហម Manchester United ក្រោយមានការប្ដឹងផ្ដល់ពីក្លិបអុីតាលី Sampdoria។
FIFA បានប្រកាសថា Sampdoria បានដាក់ពាក្យបណ្ដឹងទល់នឹងក្លិប Sporting កាលពីថ្ងៃទី៣ ខែមេសា ឆ្នាំ២០២០ ដោយសារតែក្លិបព័រទុយហ្គាល់នេះ ល្មើសនឹងកិច្ចសន្យាពាក់ព័ន្ធនឹងភាគរយនៃប្រាក់ទទួលបានពីការលក់កីឡាករ។
ក្លិបអុីតាលី Sampdoria បានអះអាងថា នៅពេល Bruno ត្រូវបាន Sporting ទិញក្នុងតម្លៃជាង ១០លានដុល្លារ កាលពីឆ្នាំ២០១៧កន្លងទៅ ក្នុងកុងត្រានោះក៏បានបញ្ជាក់ថា ពេល Sporting លក់ Bruno ទៅណាក៏ដោយ លុយដែលបានពីលក់នោះ ត្រូវចែកឲ្យ Sampdoria ចំនួន ១០ភាគរយ។
អំឡុងឆ្នាំ២០១៦ និងឆ្នាំ២០១៧ ខ្សែបម្រើសញ្ជាតិព័រទុយហ្គាល់ Bruno Fernandes ធ្លាប់លេងនៅក្លិប Sampdoria ក្រោយមកផ្ទេរទៅកាន់ក្លិប Sporting CP រហូតដល់ដើមឆ្នាំ២០២០ក្លិបបិសាចក្រហមManchester Unitedបានទិញរូបគេពីក្លិប Sporting C ៕ដោយ៖ភារៈ
