សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចនគរបាលខណ្ឌសែនសុខបានឃាត់ខ្លួនជនសង្ស័យ២នាក់ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន ។
ជនសង្ស័យទី១-ឈ្មោះ សីហា តូណាភេទប្រុស អាយុ១៧ឆ្នាំ ជនជាតិខ្មែរ មុខរបរគ្មាន ស្នាក់នៅភូមិទួលក្រសាំង ឃុំរកាខ្ពស់ ស្រុកស្អាង ខេត្តកណ្តាល ឃាត់ខ្លួននៅវេលាម៉ោង១៦ថ្ងៃទី១២ ខែឧសភា ឆ្នាំ២០២០ នៅចំណុចផ្លូវលេខ១០១៩ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ដកហូតទូរសព្ទ័ដៃ០១គ្រឿង ។ជនសង្ស័យទី២-មានឈ្មោះ ពិសិដ្ឋ រាជ្យ ភេទប្រុស អាយុ២៥ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួល ក្នុងសង្កាត់ចោមចៅ២ ខណ្ឌពោធិ៍សែនជ័យ ឃាត់ខ្លួននៅវេលាម៉ោង២៣ ថ្ងៃទី១២ ខែឧសភា ឆ្នាំ២០២០ នៅចំណុចផ្លូវលំ ភូមិបុរីកម្មករ សង្កាត់ទឹកថ្លា ខណ្ឌសែនសុខ ដកហូតម៉ូតូ០១គ្រឿង ។
សមត្ថកិច្ចខណ្ឌសែនសុខបានឱ្យដឹងថាជនសង្ស័យទាំងពីរនាក់ខាងលើគឺក្រោយពីកម្លាំងរបស់ប៉ុស្តិ៍បានធ្វើការល្បាតក្នុងមូលដ្ឋានដើម្បីទប់ស្កាត់បទល្មើសផ្សេងៗឃើញពួកគេគួរឱ្យសង្ស័យក៏ឃាត់ត្រួតពិនិត្យហើយឃើញមានសារធាតុញៀនក្នុងទឹកមូត្រក៏ឃាត់ខ្លួនតែម្តង។
បច្ចុប្បន្ន ជនសង្ស័យទាំងពីរនាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕
ដោយ៖ ចន្ទ លីហ្សា
