សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បើកម៉ូតូរវល់និយាយទូរស័ព្ទជ្រុលចង្កូតទៅបុកកន្លែងលក់ទឹកក្រឡុកបង្អែមនិងពងទា បណ្តាលឲ្យរងរបួសបែកមុខបែកមាត់។
ហេតុការណ៍នេះបានកើតឡើងកាលពីម៉ោង ១១និង២០នាទីយប់ថ្ងៃទី១៩ ខែឧសភា ឆ្នាំ២០២០ ស្ថិតនៅតាមបណ្តោយផ្លូវលេខ៣៣៦ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់បើកម៉ូតូម៉ាក ហុងដាប៊ីត ពណ៌ស ពាក់ស្លាកលេខ ភ្នំពេញ 1HY-1913 តាមបណ្តោយផ្លូវលេខ៣៣៦ក្នុងទិសដៅពីកើតទៅលិច (បើកបរម៉ូតូបណ្ដើរនិយាយទូរស័ព្ទបណ្ដើរ) ខណៈមកចំណុចកើតហេតុ ស្រាប់តែជ្រុលចង្កូតទៅបុកកន្លែងលក់ទឹកក្រឡុកបង្អែមនិងពងទាកូន ដែលលក់នៅចិញ្ចើមផ្លូវប៉ើងរាយប៉ាយពេញមុខផ្ទះ រីឯអ្នកបើកបរម៉ូតូរងរបួសបែកមុខមាត់។
បន្ទាប់ពីកើតហេតុយុវជនជាអ្នកបើកម៉ូតូព្រមចេញថ្លៃសំណង ខូចខាត ២៨០ដុល្លារ ដើម្បីបញ្ចប់រឿង៕ជ្រោយពេជ្រ
