សារព័ត៌មាន នគរវត្ត តែងតែនាំមុខគេជានិច្ច
ក្រុមមាន់ខ្នាយមាស Tottenham Hotspur ទទួលបាន៣ពិន្ទុបន្ថែមឡើងមកឈរចំណាត់ថ្នាក់លេខ៧នៅលីកកំពូលអង់គ្លេស ក្រោយឈ្នះក្រុមភ្ញៀវ West Ham United ២-០ ក្នុងការប្រកួតសប្តាហ៍ទី៣១ កាលពីយប់មិញ។ ចំណែកក្រុមខ្លាំងBarcelona ក៏បានយកឈ្នះក្រុម Bilbao ១-០ ដូចគ្នាសម្រាប់ការប្រកួតសប្តាហ៍ទី៣១ ឡើងទៅឈរកំពូលតារាងបណ្តោះអាសន្ន។
ដោយឡែកក្រុមភ្ញៀវ Atletico Madrid បានឈ្នះក្រុមម្ចាស់ផ្ទះ ១-០ ដែលជាគ្រាប់បាល់សំណាងដោយកីឡាករ Bruno របស់ក្រុមម្ចាស់ផ្ទះ Levante ស៊ុតចូលទីខ្លួនឯង។ ជ័យជម្នះនេះធ្វើឲ្យក្រុមAtletico Madrid បន្តឈរចំណាត់ថ្នាក់លេខ៣នៅលីកកំពូលអេស្ប៉ាញ ដោយមានក្តីសង្ឃឹមកៅអី Champion League នៅរដូវកាលក្រោយផងដែរ។
Tottenham Hotspur ទទួលបានជ័យជម្នះ២គ្រាប់រកបានដោយកីឡាករ Harry Kane នៅទីទី៨២ និងមួយគ្រាប់ទៀតគឺជាការភ្លាត់ស្នៀតចូលទីខ្លួនឯងរបស់កីឡាករក្រុម West Ham នៅនាទីទី៦៤គឺកីឡាករ T. Souček ។ ចំណែកក្រុមអ្នកមានបុណ្យ Barcelona រកបានដោយកីឡាករ Rakitic នៅនាទីទី៧១ ហើយជ័យជម្នះនេះបន្តរហូតដល់ចប់ការប្រកួតធ្វើឲ្យក្រុមខ្លាំងមួយនេះបន្តឈរកំពូលតារាងលើក្រុមលេខ២ Real Madrid ៣ពិន្ទុបណ្តោះអាសន្ន ។
ខាងក្រោមនេះគឺជាក្រុមដែលត្រូវប្រកួតនៅរាត្រីថ្ងៃពុធ ទី២៤ មិថុនានេះ៖
អង់គ្លេស Premier League
Manchester United Vs Sheffield United ម៉ោង១២រំលងអធ្រាត្រ
Newcastle United Vs Aston Villa ម៉ោង១២រំលងអធ្រាត្រ
Norwich City Vs Everton ម៉ោង១២រំលងអធ្រាត្រ
Wolverhampton Wanderers Vs AFC Bournemouth ម៉ោង១២រំលងអធ្រាត្រ
Liverpool Vs Crystal Palace ម៉ោង២និង១៥នាទីរំលងអធ្រាត្រ
អ៊ីតាលី Serie A
Internazionale Vs Sassuolo ម៉ោង១២និង៣០នាទីរំលងអធ្រាត្រ
Atalanta Vs Lazio ម៉ោង២និង៤៥នាទីរំលងអធ្រាត្រ
Roma Vs Sampdoria ម៉ោង២និង៤៥នាទីរំលងអធ្រាត្រ
អេស្ប៉ាញ La Liga
Deportivo Alavés Vs Osasuna ម៉ោង១២និង៣០នាទីរំលងអធ្រាត្រ
Real Sociedad Vs Celta Vigo ម៉ោង១២និង៣០នាទីរំលងអធ្រាត្រ Real Madrid Vs Mallorca ម៉ោង៣ទៀបភ្លឺ ៕
ដោយ៖ភារៈ
