សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមត្ថកិច្ចខណ្ឌឫស្សីកែវ បានចុះធ្វើរដ្ឋបាលកាលពីយប់ថ្ងៃទី១ ខែកក្កដា ឆ្នាំ២០២០ ឃាត់ខ្លួនជនសង្ស័យចំនួន៤នាក់ក្នុង៣ករណីផ្សេងគ្នា ហើយបាននាំខ្លួនយកទៅកាន់ប៉ុស្តិ៍ទួលសង្កែទី១ និងប៉ុស្តិ៍គីឡូម៉ែត្រលេខ៦ ដើម្បីកសាងសំណុំរឿងចាត់ការតាមនីតិវិធី។
ការឃាត់ខ្លួនជនសង្ស័យទាំង៤នាក់នេះ ធ្វើឡើងនៅចំណុចវត្តញាណរង្សី ស្ថិតក្នុងសង្កាត់ទួលសង្កែទី១ និងនៅចំណុចមុខសាលាអន្តរជាតិឯកជន ស្ថិតក្នុងសង្កាត់ទួលសង្កែទី១, រីឯកន្លែងទី៣នៅកំពង់ចម្លងគីឡូម៉ែត្រលេខ៦។
វត្ថុតាងដកហូតរួមមាន៖ ក្រាមសថ្លា ចំនួន៣កញ្ចប់តូច, ឧបករណ៍ប្រើប្រាស់គ្រឿងញៀនមួយចំនួន , ដាវ១ដើម, កាំបិតប៉័ងតោ២ , កូនកាំបិតចុងស្រួចអត់ដង១,ពូថៅ១, ញញួរ១ និងសំបកទូហ្គេមបាញ់ត្រី១ទូ។
បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
ជ្រោយពេជ្រ
