សារព័ត៌មាន នគរវត្ត តែងតែនាំមុខគេជានិច្ច
ប្រទេសមុិចសុីកូ៖កម្លាំងទាហានម៉ិចស៊ីកូបានរកឃើញយន្តហោះចម្បាំងមួយគ្រឿង របស់ក្រុមជួញដូរគ្រឿងញៀនបានឆាបឆេះនៅកណ្តាលផ្លូវលើកោះYucatan ប្រទេសម៉ិចស៊ីកូ នៅថ្ងៃទី៦ ខែកក្កដានេះ។
តាមរបាយការណ៍បានបញ្ជាក់ឱ្យដឹងថា យន្តហោះខាងលើបានហោះហើរចេញពីMaracaibo ប្រទេសវេណេហ្ស៊ុុយអេឡា មកកាន់ប្រទេសម៉ិចស៊ីកូ។ យន្តហោះនោះត្រូវបានភ្លើងឆាបឆេះក្រោយពេលចុះចតនៅលើកោះYucatan។ តាមលទ្ធផលស្រាវជ្រាវជាបឋមគឺ យន្តហោះខាងលើនេះអាចដឹកគ្រឿងញៀនរាប់រយគីឡូក្រាម ព្រោះនៅជិតទីតាំងឆេះយន្តហោះនេះ កម្លាំងប៉ូលិសក៏បានរកឃើញ រថយន្តដឹកទំនិញមួយគ្រឿងមានផ្ទុកគ្រឿងញៀនរាប់រយគីឡូក្រាម ទំនងទើបតែដាក់ចុះពីយន្តហោះដែលឆេះនេះ ៕
ដោយ៖ធី រីណា
