សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ភ្លៀងលាយឡំនិងខ្យល់កន្ត្រាក់ ផ្គររន្ទះ បានគ្របដណ្ដប់ទៅលើឃុំឃ្លាំងមាស នៃស្រុកបវេល បណ្តាលឲ្យសត្វគោ២ក្បាលបានងាប់ និងផ្ទះ ប្រជាពលរដ្ឋ២២ខ្នងរងការខូចខាត ។ យោងតាមរបាយការណ៍របស់សមត្ថកិច្ចបានឲ្យដឹងថា ហេតុការណ៍គ្រោះធម្មជាតិខាងលើនេះបានកើតឡើង កាលពីវេលាម៉ោង ១៦និង៣០នាទីល្ងាច ថ្ងៃទី០៦ ខែកក្កដា ឆ្នាំ២០២០ ស្ថិតក្នុងភូមិបឹងសង្កែ ភូមិទំនប់ត្រកួន និងភូមិអន្លង់រាំង ក្នុងឃុំឃ្លាំងមាស នៃស្រុកបវេល។
របាយការណ៍បានបង្ហាញឲ្យដឹងថា ក្នុងហេតុការណ៍គ្រោះធម្មជាតិ ដោយមានភ្លៀងធ្លាក់លាយឡំនិងខ្យល់កន្ត្រាក់ ផ្គររន្ទះផងនោះ បានធ្វើអោយប៉ះពាល់ លំនៅឋាន ប្រជាពលរដ្ឋ ក្នុងភូមិបឹងសង្កែ ខូចខាតផ្ទះ០៧ខ្នងក្នុងនោះផ្ទះចំនួន០២ខ្នងរងការបាក់រលំរាបដល់ដីទាំងស្រុង. ភូមិអន្លង់រាំង រន្ទះបាញ់ងាប់សត្វគោចំនួន០២ក្បាល និងភូមិទំនប់តាកួន ប៉ះពាល់ផ្ទះចំនួន១៥ខ្នង ខូចខាតទាំងស្រុង០៣ខ្នងផ្ទះផងដែរ ៕ដោយ៖សូរិយា
