សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ យន្តហោះមួយគ្រឿងប្រភេទAirbus A321 និងរថយន្តដឹកដឹកប្រេងបានបុកគ្នានៅអាកាសយានដ្ឋាន Sheremetyevo ក្នុងទីក្រុងមូស្គូនាថ្ងៃទី១ខែសីហា។
យន្តហោះAirbus A321របស់ក្រុមហ៊ុនអាកាសចរណ៍Aeroflot បានបុកទៅលើរថយន្តដឹកប្រេង ធ្វើឲ្យខូចខាតទាំងសងខាង ប៉ុន្តែមិនបណ្តាលឲ្យមានអ្នករងបួសនោះឡើយ។
រថយន្តពន្លត់អគ្គិភ័យនិងសង្គ្រោះបន្ទាន់បានបញ្ជូនទៅកាន់កន្លែងកើតហេតុ ។ ការប៉ះទង្គិចគ្នានោះមិនបណ្តាលឲ្យមានការឆាបឆេះនោះឡើយ។ នៅពេលប៉ះទង្គិចគ្នា នោះអ្នកដំណើរមិនទាន់ឡើងយន្តហោះនៅឡើយទេ។ ជើងហោះហើរនោះក៏ត្រូវបានផ្អាកផងដែរ ។
រូបភាពបានបង្ហាញឲ្យឃើញថា រថយន្តខ្ទេចយ៉ាងខ្លាំង ដោយក្បាលរថយន្តត្រូវខ្ទេចទាំងស្រុង ។ តំណាងអាកាសយានដ្ឋានបានប្រកាសឲ្យដឹងថា យន្តហោះក៏រងការខូចខាតផងដែរ ប៉ុន្តែមិនមានអ្នករងរបួសទេ ។ក្រុមអ្នកជំនាញកំពុងតែស្រាវជ្រាវ ស្វែងរកមូលហេតុដែលបណ្តាលឲ្យមានគ្រោះថ្នាក់នេះ៕ដោយ៖ធី រីណា
