សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បេីករថយន្តស៊េរីទំនេីបម៉ាកម៉េកសឺដេសរួមដំណេីរជាមួយបុរសជនជាតិចិន៣នាក់ទៀតក្នុងល្បឿនលឿននិងបំពានភ្លេីងស្តុបក៏ជ្រុលទៅបុករថយន្តឡិចស៊ីសRX300មួយគ្រឿងបណ្តាលឲ្យក្រឡាប់ផ្ងាជេីងបន្តទៅបុកម៉ូតូស្មាស់រេវ៉ូមួយគ្រឿងទៀតរងរបួសធ្ងន់២នាក់។
ហេតុការណ៍នេះបានកេីតឡេីងកាលពីវេលាម៉ោង៩និង៥០នាទីយប់ថ្ងៃទី២ ខែសីហា ឆ្នាំ២០២០ នៅតាមបណ្តោយផ្លូវព្រះនរោត្តម កែងផ្លូវលេខ២១៤ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តមួយគ្រឿងម៉ាកឡិចស៊ីសRX300 ពណ៌សពាក់ស្លាកលេខភ្នំពេញ2AZ 9881 ធ្វេីដំណេីរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជេីងខណះមកដល់ចំណុចស្តុុបកេីតហេតុដោយភ្លេីងពណ៌ខៀវក៏បន្តដំណេីរទៅមុខភ្លាមនោះស្រាប់តែមានរថយន្តស៊េរីទំនេីបម៉ាកម៉េកសឺដេស ពណ៌ស ពាក់ស្លាកលេខភ្នំពេញ2AX0088 បេីកបរដោយបុរសជនជាតិចិនម្នាក់រួមដំណើរបុរសជនជាតិចិន៣នាក់ទៀតជាមួយ បេីកបរតាមបណ្តោយផ្លូវលេខ២១៤ ក្នុងទិសដៅពីលិចទៅកេីតក្នុងល្បឿនលឿនដោយបំពានភ្លេីងស្តុបក៏ជ្រុលបុករថយន្តឡិចស៊ីសពីចំហៀងពេញទំហឹង ធ្វេីឲ្យរថយន្តឡិចស៊ីសជ្រុលទៅបុកម៉ូតូស្មាស់រេវ៉ូ ពណ៌ខ្មៅ ពាក់ស្លាកលេខកណ្តាល1G 6270 ជិះគ្នា២នាក់ បណ្តាលឲ្យរងរបួសធ្ងន់ហេីយរថយន្តឡិចស៊ីសក៏ក្រឡាប់ផ្ងាជេីងរងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗចំណែករថយន្តទាំង២គ្រឿងនិងម៉ូតូត្រូវបានសមត្ថកិច្ចធ្វេីការវាស់វែងស្ទូចយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញដេីម្បីរងចាំដោះស្រាយតាមច្បាប់៕
ដោយ៖សុខាសែនជ័យ
