សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ នារសៀលថ្ងៃពុធ ១រោច ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៥ ខែសីហា ឆ្នាំ២០២០ លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល បានដឹកនាំកិច្ចប្រជុំគណៈស្នងការ ដើម្បីធ្វើការបូកសរុបសភាពការណ៍និងលទ្ធផលកិច្ចប្រតិបត្តិការរក្សាសន្តិសុខ សណ្តាប់ធ្នាប់ប្រចាំខែកក្កដា និងលើកទិសដៅការងារប្រចាំខែសីហា ឆ្នាំ២០២០។
ក្នុងកិច្ចប្រជុំនោះដែរដោយយោងទៅតាមភារកិច្ចចាំបាច់របស់លោកឧត្តមសេនីយ៍ស្នងការ ត្រូវបានបែងចែកប្រគល់ភារកិច្ចជូនលោកស្នងការរងចំនួន០៦រូបទៅតាមការតែងតាំងរបស់ថ្នាក់ដឹកនាំ។ ក្នុងនោះសមាសភាពអញ្ជើញចូលរួមមាន៖
-លោក លោកស្រីស្នងការរង
-លោកនាយការិយាល័យបុគ្គលិក
-លោកនាយការិយាល័យចរាចរណ៍ផ្លូវគោក
-លោកនាយការិយាល័យព្រហ្មទណ្ឌកម្រិតស្រាល
-លោកអធិការនគរបាលស្រុកទាំង១០ និងក្រុងតាខ្មៅ
-លោកមេបញ្ជាការវរ:សេនាតូចលេខ៦០៥
-លោកប្រធានប៉ុស្តិ៍នគរបាលច្រកទ្វារអន្តរជាតិជ្រៃធំ៕
ដោយ៖សិលា
