សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តទំនើបមួយគ្រឿងម៉ាកMG ក្នុងល្បឿនលឿន ហេីយបានជ្រុលទៅបុកខឿនផ្លូវបណ្ដាលឲ្យរងការខូចខាតយ៉ាងដំណំ កាលពីវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី៧ ខែសីហា ឆ្នាំ២០២០ ស្ថិតនៅតាមបណ្ដោយផ្លូវ៤២២ កែងផ្លូវ៦៣ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហតុបានឲ្យដឹងថា មុនកេីតហេតុនោះគេឃេីញរថយន្តបង្កម៉ាក MG ពណ៌ស ពាក់ស្លាកលេខភ្នំពេញ 2BG -7891 ដែលបេីកបរដោយបុរសម្នាក់ធ្វេីដំណេីរតាមបណ្ដោយផ្លូវ៦៣ ទិសដៅពីជេីងមកត្បូងក្នុងល្បឿនលឿន ខណៈមកដល់កែងផ្លូវលេខ៤២២ ក៏ជ្រុលចង្កូតទៅបុកខឿនផ្លូវពេញទំហឹង បណ្ដាលឲ្យរថយន្តខាងលេីផ្លោងមកស្ដាំដៃបន្តិច ដាច់កាឡេកង់មុខផ្នែកខាងឆ្វេង រួមនិងកាងរថយន្តរងការខូចខាតយ៉ាងដំណំ ។
ពាក់ព័ន្ធករណីគ្រោះថ្នាក់ចរាចរណ៍ខាងលេីនេះ មិនបណ្ដាលឲ្យមនុស្សណាម្នាក់រងរបួសនោះឡេីយ គ្រាន់តែខូចខាតខឿនផ្លូវបន្តិចបន្ទួចតែប៉ុណ្ណោះ រីឯរថយន្តបង្កដែលងការខូចខាតយ៉ាងដំណំខាងលេី ត្រូវបានសមត្ថកិច្ចមូលដ្ឋានជំនាញចរាចរណ៍ខណ្ឌចំការមន ប្រគល់ឲ្យទៅម្ចាស់រថយន្តស្ទួចយកទៅជួសជុលដោយខ្លួនឯង ៕ ដោយ ៖ ភារ៉ា ដង្កោ
