សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូឆ្លងផ្លូវមិនប្រយ័ត្នត្រូវម៉ូតូ១គ្រឿងទៀតបុកពេញទំហឹងបណ្តាលឲ្យរងរបួសធ្ងន់ស្រាល៤នាក់ បង្កការភ្ញាក់ផ្អេីលកាលពីវេលាម៉ោង១០និង១០នាទី យប់ថ្ងៃទី២០ ខែសីហា ឆ្នាំ២០២០ នៅចំណុចច្រកចូលផ្សារវីមីង តាមបណ្តោយផ្លូវចោមចៅ អតីតផ្លូវវេងស្រេង ស្ថិតក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីមស៊េរីឆ្នាំ២០០៩ ពណ៌ខ្មៅ ពាក់ស្លាកលេខព្រៃវែង១C.២៩១៦ ធ្វេីដំណេីរតាមបណ្តោយផ្លូវចោមចៅបញ្ច្រាសទិសហេីយបានឆ្លងផ្លូវស្រាប់តែមានម៉ូតូម៉ាកហុងដាឌ្រីមសង់ស៊េរីឆ្នាំ២០២០ ពាក់ស្លាក់លេខភ្នំពេញ២GK.៨១៩៣ ជិះគ្នាបីនាក់ ធ្វេីដំណេីរក្នុងល្បឿនលឿន ក្នុងទិសដៅពីកេីតទៅលិចចាប់ហ្រ្វ័ងមិនទាន់ក៏ជ្រុលបុកពេញទំហឹង បណ្តាលអោយមនុស្ស២នាក់រងរបួសធ្ងន់ និង២នាក់មានរបួសស្រាល។
ក្រោយពេលកេីតហេតុជនរងគ្រោះត្រូវរថយន្តសង្គ្រោះដឹកទៅមន្ទីរពេទ្យភ្លាមៗ ដោយឡែកម៉ូតូត្រូវបានសមត្ថកិច្ចមូលដ្ឋានទាក់ទងទៅជំនាញធ្វេីការវាស់វែងយកទៅរក្សារទុករង់ចាំដោះស្រាយគ្នានៅពេលក្រោយ ៕ដោយ៖សុខាសែនជ័យ
