សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់នាំគ្នាប្រព្រឹត្តបទល្មើសជួញដូរគ្រឿងញៀនត្រូវនគរបាលប៉ុស្តិ៍គោកឃ្លាងឃាត់ខ្លួនបាននិងចាប់យកវត្ថុតាងមួយចំនួន។ ការឃាត់ខ្លួនជនសង្ស័យទាំងពីរនាក់ខាងលើនេះគឺកម្លាំងសមត្ថកិច្ចបានធ្វើឡើងកាលពីវេលាម៉ោងម៉ោង១៨ និង៣០នាទី ថ្ងៃទី២៤ ខែសីហា ឆ្នាំ២០២០ នៅចំណុចផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ។
សមត្ថកិច្ចប៉ុស្តិ៍គោកឃ្លាងបានឲ្យដឹងថា៖ ជនសង្ស័យទាំង២នាក់ទី១-ឈ្មោះ កែវ អឿន ភេទប្រុស អាយុ៤១ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួលក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។ និងទី២-ឈ្មោះ អូរ គៀង ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់ទឹកកក ស្នាក់នៅផ្ទះជួល ក្នុងភូមិគោក
ឃ្លាង សង្កាត់គោកឃ្លាង ខណ្ឌសែនសុខ។
សមត្ថកិច្ចបញ្ជាក់ទៀតថា ការឃាត់ខ្លួនពួកគេទាំងពីរនាក់នេះគឺកម្លាំងល្បាតបានប្រទះឃើញនៅតាមផ្លូវខាងលើហើយឆែកឃើញមានម្សៅក្រាមពណ៌សថ្លា៣កូនថង់តូចទើបឃាត់ខ្លួនតែម្តង។
បច្ចុប្បន្ន ជនសង្ស័យទាំងពីរនាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីបន្ត៕
ដោយ៖ ចន្ទ លីហ្សា
