សារព័ត៌មាន នគរវត្ត តែងតែនាំមុខគេជានិច្ច
អតីតកីឡាករក្រុម Manchester City និង Barcelona កីឡាករ YayaToure ត្រូវបានដកចេញពីការប្រកួតសប្បុរសធម៌ប្រចាំឆ្នាំរបស់អង្គការយូនីសេហ្វបន្ទាប់ពីបានបង្ហោះវីដេអូអាសអាភាសនៅក្នុង WhatsAppជាមួយកីឡាករផ្សេងទៀត និងសង្ស័យជួលអ្នករកស៊ីផ្លូវភេទឱ្យរកសេវាកម្មឲ្យរូបគេ។
កាសែត The Sun បានសរសេរថា កីឡាករ Yaya Toure បានទទួលការរិះគន់ជាច្រើននៅសណ្ឋាគារមួយអំឡុងពេលរូបគេស្នាក់នៅបន្ទាប់ពីការបង្ហោះរូបភាពអាសអាភាស។
អ្នកនាំពាក្យរបស់ជំនួយបាល់ទាត់របស់អង្គការយូនីសេហ្វបានឲ្យដឹងថាកាយវិការ និងការបង្ហោះវីដេអូមិនសមរម្យត្រូវបានចែកចាយក្នុងប្រព័ន្ធWhatsApp ។ ភ្លាមៗនោះត្រូវបានលុបចោលយ៉ាងឆាប់រហ័ស ហើយការសុំទោសរបស់កីឡាកររូបនេះត្រូវបានធ្វើឡើងចំពោះមនុស្សទាំងអស់។
ជាមួយគ្នានោះអង្គការយូនីសេហ្វបានពិភាក្សាពីបញ្ហាខាងលើជាមួយបុគ្គលដែលពាក់ព័ន្ធ ហើយកីឡាករ Yaya Toure បានសម្រេចចិត្តឈប់ចូលរួមក្នុងព្រឹត្តិការណ៍ប្រកួតសប្បុរសធម៌ឆ្នាំនេះតែម្តង៕ដោយ៖ភារៈ
