សារព័ត៌មាន នគរវត្ត តែងតែនាំមុខគេជានិច្ច
ក្លិបហង្សក្រហម Liverpoolជោគជ័យក្នុងការទិញខ្សែបំរើអេស្ប៉ាញ Thiago Alcantara ពីក្រុមBayern munichក្នុងតម្លៃ២០លានផោនលើកិច្ចសន្យារយះពេល៤ឆ្នាំ។
កីឡាករអន្តរជាតិអេស្ប៉ាញវ័យ២៩ឆ្នាំនេះបាននិយាយថា “ខ្ញុំមានអារម្មណ៍រំភើបអស្ចារ្យណាស់សម្រាប់ទទួលបានឱកាសដែលខ្ញុំរងចាំអស់រយះពេលជាយូរមកហើយ។ ខ្ញុំពិតជារីករាយខ្លាំងណាស់ដែលបានមកដល់ទីនេះ។”
Thiago Alcantara នឹងពាក់អាវលេខ៦ពេលមកលេងឲ្យក្រុមហង្សក្រហម។ រូបគេធ្លាប់បានឈ្នះជើងឯកអេស្ប៉ាញ La Ligaចំនួន២ដងជាមួយនឹងក្រុម Barcelonaមុនផ្លាស់ទៅលេងឲ្យក្រុមBayern Munichនៅក្នុងឆ្នាំ២០១៣។
Thiago Alcantara នឹងទទួលបានប្រាក់លើកទឹកចិត្តចំនួន៥លានផោនទៀតប្រសិនបើក្រុមហង្សក្រហមឈ្នះជើងឯកអង់គ្លេស Premier League និងChampions League៕
ដោយ៖ភារៈ
