សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តាមពិតរូបមន្តវិធីធ្វើបាយឆាម្នាស់គ្រឿងសមុទ្រ គ្រឿងផ្សំរួមមាន៖បាយ១ចានចង្កឹះ,បង្គា២០០ក្រាម(បកសំបក),ម្នាស់ ១០០ក្រាមហាន់ជាដុំតូចៗល្មម,ការ៉ុតហាន់តូចៗ កន្លះចានចង្កឹះ,ខ្ទឹមចិញ្រ្ចាំ ១ស្លាបព្រាបាយ,ស៊ុត ១គ្រាប់,ទឹកប្រេងខ្យង ២ស្លាបព្រាបាយ,ទឹកត្រី ១ស្លាបព្រាបាយកន្លះ,គ្រាប់ស្វាយចន្ទី និងដំណាប់ទំពាំងបាយជូរ (ដាក់តាមចំណូលចិត្ត ឬមិនដាក់ក៏បាន),ស្លឹកខ្ទឹមហាន់។
វិធីធ្វើ ទី១-ដាំខ្ទះដាក់ប្រេងឆាចូលបន្តិចឲ្យក្តៅ ដាក់ខ្ទឹមចិញ្រ្ចាំចូលរំលីងឲ្យឈ្ងុយ ហើយគោះស៊ុតដាក់ចូលឆាច្របល់ចូលគ្នា រួចដាក់បង្គាចូលឆាច្របល់ចូលគ្នាឲ្យឆ្អិន។
ទី២-បន្ទាប់មកដាក់ការ៉ុតឆាច្របល់ រួចដាក់បាយចូលឆាច្របល់ចូលគ្នា ហើយដាក់ដំណាប់ទំពាំងបាយជូរ ដាក់ទឹកប្រេងខ្យង និងទឹកត្រីឆាច្របល់ចូលគ្នាឲ្យសព្វ។
ទី៣-រួចហើយដាក់ម្នាស់ចូលឆាច្របល់ ៤-៥ត្រលប់ ហើយដាក់គ្រាប់ស្វាយចន្ទី និងស្លឹកខ្ទឹមចូល ឆាច្របល់ចូលគ្នាឆ្អិនហើយដួសដាក់ចានជាការស្រេច៕
ប្រភព៖ អ៊ាង សុផល្លែត
