សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីទទួលបានព័ត៌មានថាមានមន្ត្រី២រូបទទួលរងគ្រោះថ្នាក់ចរាចរណ៍នៅពេលចេញល្បាត លោក ឧត្តមសេនីយ៍ឯក ស ថេត បានអញ្ជេីញចុះសួរសុខទុក្ខមន្ត្រីដល់មន្ទីរពេទ្យភ្លាម នៅថ្ងៃទី៣០ ខែកញ្ញា ឆ្នាំ២០២០។
ដោយការយកចិត្តទុកដាក់ និងបារម្ភពីសុខទុក្ខរបស់មន្ត្រីក្រោមឱវាទ ក៏ដូចជាការលេីកទឹកចិត្តដល់មន្ត្រីដែលបានជួបគ្រោះថ្នាក់ចរាចរណ៍នៅយប់ថ្ងៃទី២៩ នៅពេលដែលកំពុងបំពេញភារកិច្ចចេញល្បាតដេីម្បីការពារសុវត្ថិភាពជូនប្រជាពលរដ្ឋក្នុងមូលដ្ឋានខណ្ឌដូនពេញ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញចុះសួរសុខទុក្ខមន្ត្រី២រូបនៃប៉ុស្តិ៍បឹងរាំង និងប៉ុស្តិ៍ផ្សារថ្មី៣ ដែលកំពុងសម្រាកព្យាបាលនៅមន្ទីរពេទ្យកាល់ម៉ែត ដែលបានជួបគ្រោះថ្នាក់ចរាចរណ៍ដោយរថយន្តបេីកបុកពីក្រោយ កាលពីយប់ថ្ងៃទី២៩ ។ ក្នុងឱកាសនោះដែរ លោកស្នងការក៏បាននាំយកជាសម្ភារនិងថវិកាចំនួន២លានផ្តល់ជូនមន្ត្រីរងរបួសធ្ងន់ត្រង់ជេីង និងថវិកាចំនួន១.៥លានរៀលជូនមន្ត្រីរងរបួសស្រាលត្រង់ស្មា ៕
ដោយ៖ សិលា
