សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ តាមបញ្ជីឈ្មោះ គណៈរដ្ឋមន្ត្រីថ្មី ចំនួនគណៈរដ្ឋមន្ត្រីថ្មីថយចុះពី២០រូបសល់តែ ១៤ រូបតែប៉ុណ្ណោះ ដោយសារតែក្រសួងមួយចំនួនត្រូវរំលាយបូកបញ្ជូលជាមួយ ក្រសួងផ្សេងទៀត។
តាមសារព័ត៌មាន TTXVN បានផ្សាយថា នៅថ្ងៃទី៦ខែតុលា គណៈរដ្ឋមន្ត្រីថ្មី ប៉ូឡូញបានស្បថចូលកាន់តំណែង នៅវិមានប្រធានាធិបតី ក្នុងរដ្ឋធានី Warsaw ។ ការស្បថចូលកាន់តំណែងក្រោមអធិបតីរបស់ប្រធានាធិបតី Andrzej Duda។
ចំណុចដែលគួឲ្យចាប់អារម្មណ៍នោះ គឺ លោក Jarosław Kaczy ski ប្រធានគណបក្សកាន់អំណាច កាន់តំណែងជាឧបនាយករដ្ឋមន្ត្រី ទទួលបន្ទុកសំខាន់បំផុតគឺក្រសួងការពារជាតិ មហាផ្ទៃនិង យុត្តិធម៌។
ចំណែកលោកJarosław Gowin មេដឹកនាំគណបក្ស Porozumienie ចូលរួមជាមួយសម្ព័ន្ធមិត្ត បង្កើតរដ្ឋាភិបាល បានតំណែងជាឧបនាយករដ្ឋមន្ត្រីនិងជារដ្ឋមន្ត្រី ក្រសួង អភិវឌ្ឍន៍ ការងារនិងបច្ចេកវិទ្យា។
ជាមួយគ្នានេះមានមន្ត្រីជាច្រើនរូបក្នុងគណៈរដ្ឋមន្ត្រីថ្មី មិនបានមកចូលរួមឡើយ ដោយសារតែ ត្រូវធ្វើចត្តាឡីស័ក ដោយសារតែឆ្លងកូវីដ-១៩។ នាយករដ្ឋមន្ត្រី ប៉ូឡូញ លោកMorawiecki បានបញ្ជាក់ថា គណៈរដ្ឋមន្ត្រីថ្មី នឹងសម្រេច គោលនយោបាយបានល្អដើម្បីជួយដល់សេដ្ឋកិច្ច ប្រទេសប៉ូឡូញកាន់តែប្រសើរ ក្រោយវិបត្តិដោយសារកូវី-១៩ ។
តាមគេហទំព័រ worldometers.info គិតដល់ព្រឹកថ្ងៃទី៧ខែតុលា ចំនួនអ្នកឆ្លងកូវីដ-១៩នៅក្នុងប្រទេសប៉ូឡូញ កើនឡើង១០៤.៣១៦ នាក់ និងស្លាប់២.៧១៧ នាក់ ជាមួយគ្នានោះក៏មានអ្នកព្យាបាលជាសះស្បើយជាង៧៤ពាន់នាក់ផងដែរ៕
ដោយ៖ធី រីណា
