សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ដែលប្រកបរបរកត់កន្ទុយលេខ(កត់ឆ្នោតវៀតណាម)ដោយខុសច្បាប់ត្រូវកម្លាំងសមត្ថកិច្ចនគរបាលខណ្ឌសែនសុខចុះបង្ក្រាប កាលពីវេលាម៉ោង១៦និង០០នាទីថ្ងៃទី២៤ ខែតុលា ឆ្នាំ២០២០ នៅចំណុចមុខតូបជួល ផ្លូវបេតុង ក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ។
នគរបាលប្រាប់ថា ជនសង្ស័យមាន ឈ្មោះ រង្ស វត្ថា ភេទប្រុស អាយុ៣៦ឆ្នាំ ជនជាតិខ្មែរ មុខរបរលក់អង្ករ ស្នាក់នៅបន្ទប់ជួល ផ្លូវបេតុង ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ (គ្មានសារធាតុញៀន) ។ ក្នុងនោះសមត្ថកិច្ចដកហូតប្រដាប់អុកថ្ងៃ ខែឆ្នាំ ចំនួន១, ម៉ាស៊ីនគិតលេខ១គ្រឿង ,តាំប៉ុង២ , លុយខ្មែរ១៩៥.០០០រៀល ,បញ្ជីកត់ឆ្នោត៣សន្លឹក និងសម្ភារមួយចំនួនទៀត។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ដោយ៖ចន្ទ លីហ្សា
