សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ជិះម៉ូតូដេីរធ្វេីសកម្មភាពគាស់ផ្ទះប្រជាពលរដ្ឋដើម្បីចូលលួចទ្រព្យសម្បត្តិ តែមិនទាន់បានធ្វេីសកម្មភាពផងស្រាប់តែសមត្ថកិច្ចមកដល់សួរនាំហើយរកឃេីញសម្ភារមួយចំនួនក៏ឃាត់ខ្លួនតែម្តង។
ហេតុការណ៍នេះបានកេីតឡេីងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៣០ ខែតុលា ឆ្នាំ២០២០ នៅចំណុចផ្សារទួលពង្រ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
តាមសមត្ថកិច្ចបានឱ្យដឹងថា មុនពេល
កេីតហេតុកម្លាំងបានចុះល្បាតនៅក្នុងមូលដ្ឋាន ខណៈទៅដល់ចំណុចកេីតហេតុក៏ប្រទះឃេីញម៉ូតូម៉ាកzoomer-x ពណ៍ក្រហមលាយស ពាក់ស្លាកលេខស្វាយរៀង1L-4618 ទុកចោលនៅកន្លែងងងឹត ចំណែកម្ចាស់ឈរចម្ងាយប្រហែល២០ម៉ែត្រពីម៉ូតូ។ដោយមានការសង្ស័យសមត្ថកិច្ចក៏ហៅធ្វេីការឆែកឆេរហើយរកឃេីញសម្ភារសម្រាប់កាត់ដែក ដង្កាប់និងទួណឺវីសទេីបឃាត់ខ្លួនតែម្តង។
បច្ចុប្បន្នជនសង្ស័យត្រូវបាននគរបាលប៉ុស្តិ៍កសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
ដោយ ៖ សុខាសែនជ័យ
