សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ យោងរបាយការណ៍របស់ស្នងការដ្ឋាននគរបាលខេត្តកោះកុង បានឱ្យដឹងថា ហេតុការណ៍នេះ បានកេីតឡេីង នៅវេលាម៉ោង ៨:៣០ នាទីព្រឹក ថ្ងៃទី ១០ ខែ ធ្នូ ឆ្នាំ ២០២០ នៅចំនុចផ្លូវជាតិលេខ ៤៨ ចន្លោះបង្គោលគីឡូម៉ែត្រលេខ ៦១ - ៦២ អន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ បណ្តាលឲ្យរងរបួសធ្ងន់ ៣ នាក់ - របួសស្រាល ១ នាក់ និងបាត់ខ្លួន ១ នាក់ កម្លាំងសមត្ថកិច្ចយេីង កំពុងរុករក។ ចំណែកឯ ជនរងគ្រោះ បញ្ជូនទៅព្យាបាលនៅមណ្ឌលសុខភាព អណ្តូងទឹក ។
រថយន្ត RHINO ពណ៌ស ពាក់ស្លាកលេខ ភ្នំពេញ 5A. 1067 បេីកបរដោយឈ្មោះ ខ្លា ភេទប្រុស អាយុ ២៤ ឆ្នាំ ក្នុងទិសដៅ ភ្នំពេញ មកកោះកុង ក្រោយកេីតហេតុ អ្នកបេីកបរ បានរត់គេចខ្លួនបាត់ ។
មូលហេតុ ៖ រថយន្ត ដាច់ហ្វ្រ័ង ត្រង់ចំណុចចុះចំណោទ ៕
ដោយ ៖ សិលា
