សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អេីលមួយបានកើតឡើងខណៈដែលម្តាយរវល់តែលក់ដូរនៅខាងក្រោមស្រាប់តែកូនប្រុសដែលមានអាយុទេីបតែ៣ឆ្នាំយកដែកកេះឡេីងទៅជាន់ទី២កេះដុតក្រដាសឡាំងបណ្តាលឲ្យឆេះផ្អេីលដល់អ្នកជិតខាងនាំគ្នាយកបំពង់ពន្លត់អគ្គិភ័យទៅជួយបាញ់ពន្លត់ កាលពីវេលាម៉ោង១០និង៤០នាទីព្រឹក ថ្ងៃទី១៥ ខែធ្នូឆ្នាំ២០២០ នៅចំណុចផ្ទះលីលីលក់កាហ្វេ ក្នុងបុរីគីមធី ផ្លូវបេតុង ភូមិកាកាប សង្កាត់កាកាបទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុខណៈម្តាយកំពុងរវល់លក់ដូរនៅខាងក្រោម ស្រាប់តែកូនប្រុសអាយុ៣ឆ្នាំម្នាក់បានយកដែកកេះឡេីងទៅជាន់ទី២ ហេីយបានកេះដុតក្រដាសឡាំងដែលទុកចោលបណ្តាលឲ្យឆេះបង្កការភ្ញាក់ផ្អេីលដល់អ្នកជិតខាងនាំគ្នាយកបំពង់ពន្លត់អគ្គិភ័យទៅបាញ់ពន្លត់ ហើយជាសំណាងដែរដែលមិនមានមនុស្សរងរបួសនិងមិនរាលដាល់ដល់ផ្ទះអ្នកជិតខាង។
ភ្លាមៗនោះដែរក៏មានរថយន្តពន្លត់អគ្គិភ័យរបស់សាលាខណ្ឌពោធិ៍សែនជ័យចំនួន២គ្រឿងបានមកដល់តែមិនបានបាញ់ទឹកពន្លត់នោះទេព្រោះអគ្គិភ័យបានរលត់ទៅវិញហើយ។
សមត្ថកិច្ចបានបញ្ជាក់ថា សម្ភារដែលនៅផ្នែកខាងលេីនោះមានតែសំបកឡាំងប៉ុណ្ណោះត្រូវរងការខូចខាតទាំងស្រុងរួមទាំងកញ្ចក់ទ្វារ២ផ្ទាំងផងដែរ៕
ដោយ ៖សុខាសែនជ័យ
