សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចសុីសRX300បេីកឆ្លងផ្លូវមិនប្រយ័ត្នជ្រុលបុកជាមួយម៉ូតូស្មាស់បណ្តាលឲ្យរងការខូចខាតតែសំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង៩និង៣០នាទីយប់ ថ្ងៃទី២១ ខែធ្នូ ឆ្នាំ២០២០ នៅចំណុចមុខរ៉ុក តាមបណ្តោយផ្លូវព្រះមុនីវង្ស កែងផ្លូវលេខ៤៧៤ ស្ថិតក្នុងសង្កាត់បឹងត្របែក ខណ្ឌចំការមន។
តាមសាក្សីនៅកន្លែងកេីតហេតុបានឃេីញឲ្យដឹងថា មុនពេលកេីតហេតុគេបានឃេីញរថយន្តស៊េរីទំនេីបម៉ាកឡិចសុីស RX300 ពណ៌ស ពាក់ស្លាកលេខកម្ពុជា SN 8788 ធ្វេីដំណេីរតាមបណ្តោយផ្លូវលេខ៤៧៤ ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏ឆ្លងផ្លូវព្រះមុនីវង្សបត់ឆ្វេងភ្លាមនោះស្រាប់តែមានម៉ូតូម៉ាកស្មាស់ពណ៌ខ្មៅ ពាក់ស្លាកលេខភ្នំពេញ1AS 1587 បេីកបរដោយបុរសជនជាតិបារាំងម្នាក់ធ្វេីដំណេីរតាមបណ្តោយផ្លូវព្រះមុនីវង្សក្នុងទិសដៅពីជេីងទៅត្បូងដោយចាប់ហ្វ្រ័ងមិនទាន់ក៏ជ្រុលបុកចំពីមុខបណ្តាលឲ្យបាក់កាងតែមិនមានមនុស្សរងរបួសនោះទេ។
ក្រោយកេីតហេតុភាគីទាំងសងខាងបានសម្រួលគ្នាដោយយកទៅជួសជុលរៀងខ្លួន៕
ដោយ៖សុខាសែនជ័យ
