សារព័ត៌មាន នគរវត្ត តែងតែនាំមុខគេជានិច្ច
តាមប្រភពពីគេហទំព័រ Football Insider បានឲ្យដឹងថា ក្រុម BorussiaDortmund កំពុងតែចាប់អារម្មណ៍ និងចង់ចុះហត្ថលេខាយកខ្សែប្រយុទ្ធរបស់ក្រុម Liverpool កីឡាករ Divock Origi នៅមុនរដូវក្តៅខាងមុខ។
អនាគតនៅកីឡដ្ឋាន Anfield របស់ខ្សែប្រយុទ្ធសញ្ជាតិបែលហ្ស៊ិករូបនេះកំពុងស្ថិតក្នុងភាពស្រពិចស្រពិលដែលក្នុងនោះរូបគេរកបាន១គ្រាប់គត់ និងលេងមិនបានល្អ។ ប្រភពជ្រើសរើសបុគ្គលិកបានប្រាប់ Football Insider ថា ក្លិបលីគកំពូលអាឡឺម៉ង់ Dortmund ស្ថិតក្នុងចំណោមក្លិបដែលគ្រោងនឹងចុះហត្ថលេខាក្នុងតម្លៃទាបសម្រាប់ Origi ។
ជាមួយនឹងថ្លៃឈ្នួលផ្ទេរត្រូវបានកំណត់ជាថ្មីនៅរដូវក្តៅនេះការដេញថ្លៃតិចបំផុតគឺ១២លានផោនអាចគ្រប់គ្រាន់ដើម្បីបញ្ចុះបញ្ចូលឱ្យ Liverpool លក់ចេញ។ ក្រុម Liverpool បានស្នើសុំទឹកប្រាក់ប្រហែល២០លានផោនសម្រាប់ Origi នៅក្នុងខែមករា ប៉ុន្តែមិនមានក្លិបណាមួយសុខចិត្តបង់ប្រាក់ក្នុងតម្លៃនេះនោះទេ។
កីឡាកររូបនេះត្រូវបានគេមើលឃើញថា កន្លែងរបស់គេត្រូវបានជំនួសដោយខ្សែប្រយុទ្ធ Sadio Mane និង Roberto Firmino សម្រាប់ការប្រកួតភាគច្រើនក្នុងរដូវកាលនេះ។ Origi មិនបាននៅក្នុងក្រុមសម្រាប់ការទទួលជ័យជម្នះ ១-០ កាលពីថ្ងៃចន្ទនៅឯក្លិប Wolves នោះទេ ។
គួររំលឹកថា កីឡាករ Origi នៅសល់រយៈពេល៣ឆ្នាំទៀតលើកិច្ចសន្យាដែលបានចុះហត្ថលេខានៅរដូវក្តៅកាលពីឆ្នាំ ២០១៩។ កីឡាកររូបនេះបានស៊ុតបាល់បញ្ចូលទីចំនួន៦គ្រាប់ និងបញ្ជូនបាល់ឲ្យមិត្តរួមក្រុមស៊ុត៤ លើកក្នុងការបង្ហាញខ្លួន៤២លើកកាលពីរដូវកាលមុន។ Origi ទើបតែបង្ហាញខ្លួនក្នុងការប្រកួតក្របខ័ណ្ឌ Premier League បាន២ដង ក្នុងចំណោមការបង្ហាញខ្លួនចំនួន១៧ដងដោយចំណាយពេលត្រឹមតែ៥៣៦នាទីប៉ុណ្ណោះ ៕
ដោយ៖ ភារៈ
