ចូលរួមរំលែក ទុក្ខ ម្តាយ តារាចម្រៀង វី ឌីណែត ទទួលមរណភាពហើយ

ភ្នំពេញ៖ សារចែករំលែកចូលរួមមរណ:ទុក្ខទៅកាន់តារាចម្រៀង វី ឌីណែត ត្រូវបានធ្វើឡើង ក្រោយពីគេទទួលបានដំណឹងថាម្តាយបង្កើតរបស់នាងទទួលមរណភាពនៅម៉ោង១២ថ្ងៃត្រង់នេះបន្ទាប់ពីម្តាយនាងត្រូវបានបញ្ជូនទៅសង្គ្រោះបន្ទាន់កាលពីប៉ុន្មានថ្ងៃមុននេះ។ ដំណឹងដ៏ក្រៀមក្រំនេះបានធ្វើឲ្យរំជួលចិត្តជាខ្លាំងសម្រាប់អ្នកសិល្បៈដែលជិតដិតនឹងក្រុមគ្រួសារលោក ហួរ ឡាវី និងកញ្ញា វី ឌីណែត ខណៈដែលមហាជនដែលបានដឹងជាច្រើនបានថ្លែងសារសោកស្តាយ និងចូលរួមរំលែកទុក្ខក្នុងការបាត់បង់ភរិយា និងម្តាយជាទីស្រលាញ់នេះផងដែរ។

គេចាំបានដែរថា ស្ថានភាពជំងឺធ្ងន់ធ្ងររបស់ម្តាយបង្កើតតារាចម្រៀង វី ឌីណែត គឺកើតមានឡើងក្រោយពីលេចសារជូនពររបស់ក្រុមសិល្បករ និងអ្នកគាំទ្រ ពិសេសការទម្លាយអំពីអារម្ភលំបាកចិត្តរបស់តារាចម្រៀងវីឌី ណែត ដែលកំពុងប្រឈមខណៈម្តាយឈឺធ្ងន់ ហើយប្អូនស្រីពៅក៏ត្រូវបានរកឃើញវិជ្ជមានជំងឺនេះកាលពីថ្ងៃទី១៧ ខែមីនាកន្លងទៅ។
គេចាំបានដែរថា វី ឌីណែត ដែលបាននិងកំពុងសម្រាកព្យាបាលជំងឺនៅ មន្ទីរពេទ្យសម្រាប់ព្យាបាលអ្នកជំងឺកូវីដ-១៩ កម្រិតស្រាល ឬសណ្ឋាគារ The Great Duke អតីតអាំងទែរកុងទីណង់តាល់បន្ទាប់ពីត្រូវបានរកឃើញថានាងមានវិជ្ជមានជំងឺកូវីដ១៩កាលពីថ្ងៃទី១០ ខែមីនា ឆ្នាំ២០២១ខណៈដែលម្តាយនាងក៏ត្រូវបានរកឃើញវិជ្ជមានជំងឺនេះនៅថ្ងៃបន្ទាប់។ ប្អូនស្រីពៅរបស់នាងក៏ត្រូវបានរកឃើញវិជ្ជមានជំងឺដ៏កាចសាហាវមួយនេះកាលពីថ្ងៃទី១៧ ខែមីនាកន្លងទៅផងដែរ ហើយពួកគេបានសម្រាកព្យាបាលជំងឺនៅទីតាំងផ្សេងៗពីគ្នា។

សូមបញ្ជាក់ថា, លោក ហួរ ឡាវី បានបង្ហោះសារថា «អូនអើយសូមអូនវិលត្រឡប់មកផ្ទះវិញ មកប្តីអង្គុយចាំមើលផ្លូវប្រពន្ធទាំងទឹកភ្នែក តស៊ូឡើងអូន សាធុ.សាធុសាធុ»។