សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ លោក ឈិត សុខុន រដ្ឋមន្ត្រីក្រសួងធម្មការ និង សាសនា កាលពីថ្ងៃទី១៩ ខែមីនា ឆ្នាំ២០២១ កន្លងទៅនេះ បានធ្វើលិខិតមួយច្បាប់ គោរពជូន លោក លាវ ស្រេង ព្រះរាជអាជ្ញា នៃអយ្យការអមសាលាដំបូងខេត្តកណ្តាល ក្នុងកម្មវត្ថុ «សុំចាត់វិធានការផ្លូវច្បាប់ចំពោះ បុគ្គលឈ្មោះ ផែង វណ្ណៈ ពីបទ ប្រមាថចំពោះព្រះសង្ឃ តាមមាត្រា៥១៦ , បទញុះញង់អោយមានការរើសអើង តាមមាត្រា៤៩៦ និង បទគំរាមកំហែងថានឹងសម្លាប់ តាមមាត្រា២៣៣ នៃក្រមព្រហ្មទណ្ឌ»។
បើតាមការអោយដឹងពីមន្ត្រីតុលាការ លិខិតនេះ បានមកដល់អយ្យការអមសាលាដំបូងខេត្តកណ្តាល ហើយ នៅព្រឹកថ្ងៃទី២២ ខែមីនា ឆ្នាំ២០២១ នេះ គ្រាន់តែពុំដឹងថា, តំណាងអយ្យការចាត់ការបែបណាបន្តតាមនីតិវិធី។
សូមបញ្ជាក់ថា , កាលពីថ្ងៃទី១៨ ខែមីនា ឆ្នាំ២០២១ កន្លងទៅ លោក ផែង វណ្ណៈ ក៏បានធ្វើលិខិត សុំទោសជាសាធារណៈ និង បានទៅដល់វត្តរាជបូរណ៍ ខេត្តសៀមរាប ដើម្បីសុំខមាទោស ពី ព្រះចៅអធិការវត្ត ផងដែរ ជាមួយនិងការប្រគេនសំភារៈមួយចំនួន ក្នុងវិស័យព្រះពុទ្ធសាសនា ៕
ដោយ៖ សិលា
