សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅវេលាម៉ោង១រំលងអធ្រាត្រឈានចូលថ្ងៃទី១២ ខែមិថុនា ឆ្នាំ២០២១កម្លាំងប៉ុស្តិ៍នគរបាលរដ្ឋបាលទន្លេបាសាក់បានឃាត់ខ្លួនជនសង្ស័យចំនួន១នាក់ករណីរក្សាទុកនូវសារធាតុញៀនដោយខុសច្បាប់នៅចំណុចមុខវិទ្យាល័យបឹងត្របែក តាមមហាវិថីព្រះមុនីវង្ស ក្រុម៧៣ ភូមិ១៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យឈ្មោះ ហ៊ត សេងហួត ភេទប្រុស អាយុ៣៣ឆ្នាំ ជនជាតិខ្មែរ ស្នាក់នៅផ្ទះមិនពិតប្រាកដ មុខរបរគ្មាន។
ចំពោះវត្ថុតាងចាប់យករួមមានម្សៅក្រាមសថ្លាចំនួន៣កញ្ចប់តូច(សង្ស័យជាសារធាតុញៀន)។
បើតាមសមត្ថកិច្ចបានប្រាប់ឱ្យដឹងទៀតថា នៅវេលាម៉ោង១រំលងអធ្រាត្រឈានចូលថ្ងៃទី១២ ខែមិថុនា ឆ្នាំ២០២១កម្លាំងនគរបាលប៉ុស្តិ៍រដ្ឋបាលទន្លេបាសាក់បានធ្វេីការល្បាតនៅក្នុងមូលដ្ឋានដេីម្បីទប់ស្កាត់បទល្មេីសផ្សេងៗ ពេលកម្លាំងបានមកដល់ចំណុចខាងលេីក៏បានឃេីញជនសង្ស័យឈ្មោះហ៊ត សេងហួតកំពុងដេីរ ហើយដោយមានការសង្ស័យក៏ធ្វេីការឆែកឆេរត្រួតពិនិត្យរកឃេីញម្សៅក្រាមសថ្លា(សង្ស័យជាសារធាតុញៀន)ដែលជនសង្ស័យលាក់ទុកក្នុងកាបូបដៃពណ៌ខ្មៅហេីយជនសង្ស័យបានទម្លាក់ទៅលេីដីក៏នាំខ្លួនយកមកសាកសួរនៅប៉ុស្តិ៍។
បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌចំការមនដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
ដោយ ៖ ជីណា
