សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ពិតជាលឿនមែនក្រោយពីទទួលបានព័ត៌មានពីទីតាំងលួចបើកល្បែងសុីសង ឡូតូ keno នៅហាងការហ្វេ យីហោ ប៉ោយប៉ែតថ្មី ស្ថិតនៅតាមបណ្ដោយផ្លូវលេខ១០៥ កែងផ្លូវលេខ២៣៨ ក្នុងមូលដ្ឋានសង្កាត់បឹងព្រលឹត ខណ្ឌ៧មករា ដោយមានការប្រមូលផ្ដុំមនុស្សច្រើន មិនចូលរួមអនុវត្តតាមវិធានការរបស់ក្រសួងសុខាភិបាល សេចក្ដីសម្រេចរដ្ឋបាលរាជធានីភ្នំពេញ និង៣កុំ ៣ការពារ របស់រដ្ឋាភិបាល។ លោកវរៈសេនីយ៍ត្រី ប៉ាត សំណាត នាយប៉ុស្តិ៍នគរបាលរដ្ឋបាលបឹងព្រលឹត ដោយបានទទួលបទបញ្ជាពីលោកវរសេនីយ៍ឯក នេត សុីថុន អធិការនៃអធិការដ្ឋាននគរបាលខណ្ឌ៧មករា បានដឹកនាំកម្លាំងចុះធ្វើការណែនាំ និងដកហូតទូរទស្សន៍ និងឲ្យធ្វើកិច្ចសន្យាបញ្ឈប់អាជីវកម្មល្បែងសុីសងនេះជាបន្ទាន់ភ្លាមៗ បើករណីមិនអនុវត្តតាមការណែនាំ និងឃាត់ខ្លួនម្ចាស់ទីតាំង កសាងសំណុំរឿងចាត់ការតាមនីតិវិធី៕
ដោយ៖ ស សម
