សារព័ត៌មាន នគរវត្ត តែងតែនាំមុខគេជានិច្ច
អ្នកគាំទ្រប្រហែលមិនស្គាល់ខ្សែការពារ David Alaba មុនពេលដែលគាត់មកដល់ Real Madrid មានការព្រួយបារម្ភថា តើអាវណាដែលគាត់នឹងពាក់ ប៉ុន្តែវាត្រូវបានគេបង្ហាញឱ្យដឹងនៅថ្ងៃពុធថា កីឡាករសញ្ជាតិអូទ្រីសរូបនេះនឹងពាក់អាវ Sergio Ramos លេខ៤ ។
ព័ត៌មានត្រូវបានចេញផ្សាយដោយ MARCA កាលពីថ្ងៃទី២១ កក្កដាថា ជាការភ្ញាក់ផ្អើលនៃពិធីធ្វើបទបង្ហាញរបស់គាត់ដែលថា អតីតប្រធានក្រុម Real Madrid កីឡាករ Ramos បានពាក់លេខនេះអស់រយៈពេលមួយទសវត្សរ៍កន្លះ។ នៅពេលដែលត្រូវបានគេសួរអំពីជម្រើសលេខអាវ គាត់បាននិយាយថា “ខ្ញុំបាននិយាយទៅកាន់ក្លិបអំពីអាវនេះ”។
David Alaba បានបន្តថា “ពួកគេបានផ្តល់លេខនោះដល់ខ្ញុំ ខ្ញុំគិតថាមិនមានអ្វីផ្សេងទៀតទេ។ ខ្ញុំដឹងថាលេខនេះមានន័យយ៉ាងម៉េចសម្រាប់ក្លិបហើយវាជាកម្លាំងចិត្តរបស់ខ្ញុំ។ វាតំណាងឱ្យភាពខ្លាំង និងភាពជាអ្នកដឹកនាំខ្ញុំចង់ផ្តល់ឱ្យខ្ញុំនូវលេខទាំងអស់នោះ”។
ទោះយ៉ាងណា Alaba បានទទូចថា គាត់មិននៅ Real Madrid ដើម្បីជំនួស Ramos ទេ ហើយគាត់ចង់ឆ្លុះបញ្ចាំងកេរឈ្មោះផ្ទាល់ខ្លួនរបស់គាត់ផ្ទាល់ ៕
ដោយ៖ ភារៈ(រូបភាព៖ MARCA)
