សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន២នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈជិះម៉ូតូឌុបគ្នាហេីយបំណងបត់ឆ្លងផ្លូវត្រូវរថយន្តបុកពីក្រោយពេញទំហឹង កាលពីវេលាម៉ោង៣និង៤០នាទីរសៀល ថ្ងៃទី២៨ ខែកក្កដា ឆ្នាំ២០២១ នៅខាងជេីងទីបញ្ជាការកងពលលេខ៧០ តាមបណ្តោយផ្លូវជាតិលេខ៣ ក្នុងសង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញយុវជន២នាក់ជិះម៉ូតូម៉ាកBet ពណ៌សលាយខៀវ ពាក់ស្លាកលេខភ្នំពេញ1HR 3415 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងខណៈមកដល់ចំណុចកេីតហេតុក៏បានទាញចង្កូតបំណងឆ្លងផ្លូវតាមចន្លោះសួនច្បារភ្លាមនោះមានរថយន្តម៉ាកហាយឡែនឌ័រពណ៌ ទឹកប្រាក់ពាក់ស្លាកលេខភ្នំពេញ2AA3221 បេីកបរដោយបុរសជនជាតិចិនម្នាក់ធ្វេីដំណេីរមកពីក្រោយចាប់ហ្វ្រ័ងមិនទាន់ក៏ជ្រុលបុកពេញទំហឹងបណ្តាលឱ្យខ្ទាតប្រហែលជាង១០ម៉ែត្រ រងរបួសបាក់ជេីងទាំង២នាក់ ចំណែករថយន្តនិងម៉ូតូរងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗរីឯរថយន្តនិងម៉ូតូត្រូវបានសមត្ថកិច្ចមូលដ្ឋានទាក់ទងទៅជំនាញមកធ្វេីការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយតាមច្បាប់៕
ដោយ៖សុខាសែនជ័យ
