សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ រដ្ឋបាលខេត្តសៀមរាបបន្តចាក់វ៉ាក់សាំងដូសទី១ ជូនប្រជាពលរដ្ឋដែលរស់នៅក្នុងក្រុងសៀមរាបចាប់ពីថ្ងៃទី២១ ខែសីហា ឆ្នាំ២០២១ នៅយោធភូមិភាគទី៤ មណ្ឌលសុខភាពគោកចក និងមណ្ឌលសុខភាពជ្រាវ ។
រដ្ឋបាលខេត្តសៀមរាប បានបញ្ជាក់ថា, បងប្អូនប្រជាពលរដ្ឋដែលពុំទាន់បានមកចាក់ទាន់ពេលកំណត់ដោយមូលហេតុមួយចំនួនដូចជា ធ្វើដំណើរទៅក្រៅខេត្ត ឬ កំពុងធ្វើចត្តាឡីស័ក ឬមានបញ្ហាសុខភាពមួយរយៈពេលខ្លីអំឡុងពេលយុទ្ធនាការចាក់វ៉ាក់សាំងជាដើម។
ដូនេះសូមបងប្អូនរួសរាន់ទៅចាក់វ៉ាក់សាំងនៅយោធភូមិភាគទី៤ មណ្ឌលសុខភាពគោកចក និងមណ្ឌលសុខភាពជ្រាវ ចាប់ពីថ្ងៃទី២១ ខែសីហា ឆ្នាំ២០២១ ពេលព្រឹកចាប់ពីម៉ោង ០៧:៣០ ដល់ម៉ោង១១:៣០នាទី និងពេលរសៀលចាប់ពីម៉ោង ១៣:០០ ដល់ម៉ោង ១៦:០០នាទី និងត្រូវទំនាក់ទំនងយកប័ណ្ណចាក់វ៉ាក់សាំងនៅមណ្ឌលចាក់វ៉ាក់សាំងផ្ទាល់៕
ដោយ ៖ សិលា
