សម្តេចតេជោ ហ៊ុនសែន ថ្ងៃនេះជាខួបកំណើតចៅទី២០ រំលឹកដល់លោក ហ៊ុន ម៉ាណែត ឆ្នាំ ១៩៧៧ កើតឡើងគ្មានឪពុកនៅក្បែរ គ្មានចំណីអាហារ សម្លឹងឃើញតែទឹកភ្នែកម្តាយមានឈ្មោះជាកូន ក្បត់អង្គការ !

ភ្នំពេញ៖ សម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៩ ខែតុលា ឆ្នាំ២០២១ បានមានប្រសាសន៍ថា, ភ្ញាក់ពីដំណេកឃើញចៅប្រុសទី២០ផ្ញើ រូបថតនិងសារសម្លេងមកថា(លោកតាចៅផ្ញើរូបថតជូនតាមើល តើចៅស្អាតឬទេ?ថ្ងៃនេះជាខួបកំណើតចៅ)។

សម្តេចបានថ្លែងរំឮកថា, មើលរូបថតនិងស្តាប់សារសម្លេងចៅហើយនឹកឃើញដល់ឆ្នាំ១៩៧៧នៅពេល នៅពេលឪពុករបស់គេកើតឡើងគ្មាន ឪពុកនៅក្បែរ គ្មានចំណីអាហារសម្លឹងឃើញតែទឹកភ្នែកម្តាយមានឈ្មោះជាកូន ក្បត់អង្គការ។ពេលជួបឪពុកហើយហៅ ឪពុកថាជាពូរហូតដល់២ខែ។
ខួបកំណើតរបស់ចៅគម្រប់៣ឆ្នាំចូល៤ឆ្នាំពិតមែនតែស្ថិតក្នុងដំណាក់ការកូវីដមិនអាចមកជួបជីដូនជីតាបានតែចៅនៅតែមាន
ភាពប្រសើរជាងឪពុករបស់ចៅដែលកើតក្នុងគុគឥតជញ្ជាំង។
សម្តេចតេជោ ក៏បានជូនពរចៅជួបតែសេចក្តីសុខសេចក្តីចំរើន៕

ដោយ៖សុខ ខេមរា