សារព័ត៌មាន នគរវត្ត តែងតែនាំមុខគេជានិច្ច
ក្រុមជម្រើសជាតិហុល្លង់បានកក់កន្លែងរបស់ពួកគេនៅវគ្គផ្តាច់ព្រ័ត្រ World Cup នៅប្រទេសកាតាជាមួយនឹងជ័យជម្នះទៅលើក្រុមន័រវេសដែលបានខកខានការប្រកួតកាលពីឆ្នាំ២០១៨កន្លងទៅ។
គ្រាប់បាល់ចុងម៉ោងរបស់ Steven Bergwijn របស់ Tottenham Hotspur និង Memphis Depay របស់ Barcelona បានធានាឱ្យក្រុមហុល្លង់ដណ្តើមបានចំណាត់ថ្នាក់កំពូលក្នុងពូល G។ គ្រាប់បាល់បញ្ចូលទីគឺជាគ្រាប់បាល់ដ៏សំខាន់នៃការប្រកួតរវាងក្រុមហុល្លង់ក្នុងការឈ្នះក្រុមលេខ២ក្នុងពូលតែ២ពិន្ទុប៉ុណ្ណោះ។
ជាការពិតអវត្តមានរបស់ខ្សែប្រយុទ្ធ Haaland បានរងរបួសដែលបានស៊ុតបាល់បញ្ចូលទីក្នុងការស្មើ ១-១ រវាងក្រុមទាំងនេះក្នុងទីក្រុង Oslo កាលពីខែកញ្ញា មិនបានជួយក្រុមន័រវេសប៉ះហុល្លង់ពេលនេះឡើយ។
ក្រុមម្ចាស់ផ្ទះហុល្លង់បានបង្កើតការវាយសម្រុកសម្រាប់ការប្រកួតជាច្រើន ប៉ុន្តែបានកក់កៅអី World Cup នៅកាតា បន្ទាប់ពីបានបរាជ័យក្នុងការឈានដល់វគ្គផ្តាច់ព្រ័ត្រនៅប្រទេសរុស្ស៊ីកាលពីឆ្នាំ២០១៨។ វាតំណាងឱ្យជោគជ័យមួយសម្រាប់អ្នកចាត់ការ Louis van Gaal ដែលបានដឹកនាំហូឡង់ឱ្យទទួលបានចំណាត់ថ្នាក់លេខ៣ក្នុងការប្រកួតបាល់ទាត់ពិភពលោកឆ្នាំ២០១៤ ក្នុងតួនាទីទីពីររបស់គាត់ក្នុងនាមជាគ្រូបង្វឹកជម្រើសជាតិ។
បរាជ័យនេះបានធ្វើឲ្យក្រុមន័រវេសមិនមានសិទ្ធិទៅវគ្គផ្តាច់ព្រ័ត្រនៃការប្រកួតបាល់ទាត់ពិភពលោកចាប់តាំងពីធ្វើឡើងនៅប្រទេសបារាំងឆ្នាំ១៩៩៨ ខណៈដែលពួកគេមិនបានឈានដល់ការប្រកួតជើងឯកអឺរ៉ុបចាប់តាំងពីឆ្នាំ២០០០មកដែរ ៕
ដោយ៖ ភារៈ(រូបភាព ៖ BBC Sport)
