សារព័ត៌មាន នគរវត្ត តែងតែនាំមុខគេជានិច្ច
ក្លិបញញួរធំ West Ham ចាប់អារម្មណ៍លើកីឡាករ Nat Phillips របស់ក្លិបហង្សក្រហម Liverpool ដែលអាចនឹងមានការព្រមព្រៀងសម្រាប់រដូវក្តៅនៃរដូវកាលនេះ ដើម្បីជំនួសខ្សែការពារ Angelo Ogbonna ដែលរងរបួស។ Phillips មានវ័យ២៤ឆ្នាំនឹងត្រូវបានអនុញ្ញាតឱ្យទៅ ប៉ុន្តែមានតែនៅលើមូលដ្ឋានអចិន្រ្តៃយ៍នៅក្នុងកិច្ចព្រមព្រៀងដែលនឹងឈានដល់១០លានផោនទើបអាចទៅរួច។
ក្លិបញញួរធំ ស្ថិតក្រោមសម្ពាធ ខណៈដែលគោលដៅផ្សេងទៀតដូចជាកីឡាករ James Tarkowski របស់ Burnley មានតម្លៃថ្លៃពេក និងអស់លទ្ធភាពនៅខែក្រោយ។
Phillips ត្រូវបានគេមើលឃើញថា ជាដំណោះស្រាយជំនួស ប៉ុន្តែក្រុមLiverpool មិនចង់ឲ្យគាត់ចាកចេញទេ ហើយប្រសិនបើគាត់ចាកចេញមែននោះគឺត្រូវការខ្សែការពារម្នាក់មកវិញនៅរដូវក្ដៅនេះ។ Phillips បានបង្ហាញខ្លួន១៧ប្រកួតនៅ Premier League សម្រាប់ក្រុមរបស់លោក Jurgen Klopp កាលពីរដូវកាលមុន នៅពេលដែលក្រុមហង្សក្រហមឆ្លងកាត់វិបត្តិផ្នែកការពារ។
បញ្ហារបួសរបស់ Virgil van Dijk, Joe Gomez និង Joel Matip បានធ្វើឱ្យក្រុម Liverpool មានការខ្វះខាតយ៉ាងខ្លាំងនៅកណ្តាលតំបន់ការពារ។ប៉ុន្តែ Phillips បានស៊ុតបាល់បញ្ចូលទីបានយ៉ាងល្អ ជាញឹកញាប់ពេលលេងជាមួយខ្សែការពារ Fabinho ឬ Jordan Henderson។
ចាប់តាំងពីការត្រឡប់មកវិញនៃជម្រើសដំបូងរបស់ក្លិបមក Phillips បានបង្ហាញខ្លួនត្រឹមតែ២លើកប៉ុណ្ណោះក្នុងរដូវកាលនេះ ពោលគឺមួយនៅក្នុងពានរង្វាន់ League Cup និងកាលពីដើមសប្តាហ៍នេះទល់នឹង AC Milan ក្នុងក្របខ័ណ្ឌ Champions League ។
បច្ចុប្បន្នក្រុមរបស់លោក Klopp បានរបូតគ្រាប់បាល់ត្រឹមតែ១២គ្រាប់ប៉ុណ្ណោះក្នុង១៦ប្រកួតនៅ Premier League នៅរដូវកាលនេះ ដែលធ្វើឲ្យក្រុម Liverpool ឈរចំណាត់ថ្នាក់លេខ២ មាន៣៧ពិន្ទុ។ ចំណែកក្រុមញញួរធំ West Ham កំពុងឈរចំណាត់ថ្នាក់លេខ៤ មាន២៨ពិន្ទុ ក្នុង១៦ប្រកួតនៅលីគកំពូលអង់គ្លេសក្រោយពីប្រកួតស្មើជាមួយក្រុមម្ចាស់ផ្ទះ Burnley កាលពីថ្ងៃអាទិត្យ ៕
ដោយ៖ ភារៈ(រូបភាព ៖ The sun)
