សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមប្រភពព័ត៌មានពីលោក ឌី រ័ត្នខេមរុណ អភិបាលរង ខណ្ឌមានជ័យ បានឱ្យដឹងថា ដោយអនុវត្តតាមការណែនាំរបស់លោក ពេជ្រ កែវមុនី អភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ នៅវេលាម៉ោង ៧យប់ថ្ងៃ អង្គារទី ១៤ ខែធ្នូ ឆ្នាំ២០២១ លោក បានដឹកនាំគណៈបញ្ជាការឯកភាពខណ្ឌមានជ័យ ចុះអនុវត្តច្បាប់ចរាចរណ៍ផ្លូវគោក និងចុះពិនិត្យអាវុធជាតិផ្ទុះ នៅគោលដៅផ្លូវជាតិលេខ២ មុខសាលា ACE សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
លោក ឌី រ័ត្នខេមរុណ បានបន្តថា ក្នុងប្រតិបត្តិការនោះមានកម្លាំងចូលរួមសរុប ៤៥នាក់ ក្នុងនោះអធិការនគរបាលខណ្ឌចំនួន២៧នាក់, កម្លាំងសណ្ដាប់ធ្នាប់ខណ្ឌចំនួន ១០នាក់ ,កម្លាំងកងរាជអាវុធហត្ថខណ្ឌចំនួន ០៨នាក់។
ជាលទ្ធផលក្នុងការត្រួតពិនិត្យដូចជា៖
– បានត្រួតពិនិត្យរថយន្តតូចធំឆ្លងកាត់ចំនួន ៧៦ គ្រឿង ។
– ត្រួតពិនិត្យម៉ូតូឆ្លងកាត់ចំនួន ៤៧ គ្រឿង ។
– រថយន្តឆ្លងកាត់ចំនួន ២៩ គ្រឿង ។
– ម៉ូតូគ្មានស្លាកលេខត្រូវអប់រំ គ្មាន ។
– អាវុធជាតិផ្ទុះឆ្លងកាត់ គ្មាន។
– សារធាតុញៀនឆ្លងកាត់ គ្មាន។
គួរបញ្ជាក់ដែរថា ក្នុងការត្រួតពិនិត្យអាវុធជាតិផ្ទុះ បានបញ្ចប់នៅម៉ោង ២១:០០យប់នាថ្ងៃខែឆ្នាំដដែល៕
ដោយ៖ស តារា
