សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ រថយន្តស៊ីទែនដឹកហ្គាសមួយគ្រឿងបានបើកបុកក្បាលថ្មពុះចែកទ្រូងផ្លូវពេញទំហឹងលាន់សូរដូចរន្ទះបង្កការភ្ញាក់ផ្អើលដល់អ្នកភូមិទាំងយប់រំលងអធ្រាត្រ តែសំណាងដែរដែលមិនមានមនុស្សគ្រោះថ្នាក់។
ហេតុការណ៍នេះបានកើតឡើងកាលពីវេលាម៉ោង១១:៣២នាទីយប់ថ្ងៃទី៣០ ខែធ្នូ ឆ្នាំ២០២១ លើផ្លូវជាតិលេខ១ ត្រង់ចន្លោះគីឡូម៉ែត្រលេខ១២៤និង១២៥ ស្ថិតក្នុងភូមិរូបគោ សង្កាត់ព្រៃឆ្លាក់ ក្រុងស្វាយរៀង ។
យោងតាមសាក្សីបានឱ្យដឹងថា មុនកើតហេតុមានរថយន្ដម៉ាក DAEWOO ពណ៌ក្រហមលាយស ពាក់ស្លាកលេខ ភ្នំពេញ ៣E-៥១២៣ ដោយធ្វើដំណើរពីកេីតទៅលិច លើផ្លូវជាតិលេខ១ខណ:នោះមិនដឹងជាយ៉ាងម៉េចស្រាប់តែរថយន្តរេចង្កូតទៅបុកក្បាលថ្មពុះចែកទ្រូងផ្លូវពេញទំហឹងលាន់សូរដូចរន្ទះបង្កការភ្ញាក់ផ្អើលដល់អ្នកភូមិទាំងយប់រំលងអធ្រាត្រ តែសំណាងដែរដែលមិនមានមនុស្សរងគ្រោះថ្នាក់។
ចំពោះសម្ភារដែលខូចខាតរួមមាន ៖ ក្បាលថ្មពុះចែកទ្រូងផ្លូវចំនួន០៤កង់, ស្លាកសញ្ញាចរាចរណ៍ចំនួន០១,បង្គោលភ្លើងបំភ្លឺផ្លូវចំនួន០១,ភ្លើងសញ្ញាចរាចរណ៍ចំនួន០១។
ក្រោយកើតហេតុអ្នកបើករថយន្តឃើញសភាពការណ៍មិនស្រួលបានរត់គេចខ្លួនបាត់ភ្លាមៗ។ចំណែកធ្វើដំណើរសមត្ថកិច្ចធ្វើការវាស់វែងនិងអូសយកទៅរក្សាទុកនៅអធិការដ្ឋាននគរបាលក្រុងស្វាយរៀងដើម្បីដោះស្រាយនៅពេលក្រោយតាមច្បាប់៕
ដោយ៖យឹម សុថាន
