សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ បុរសម្នាក់បានស្លាប់ភ្លាមៗដោយសារគាំងបេះដូងនៅលើរថយន្តរបស់ខ្លួនពេលកំពុងបើកបរតាមផ្លូវ បង្កការភ្ញាក់ផ្អើលឡើងនៅវេលាម៉ោង១៥ និង៣០នាទីរសៀលថ្ងៃទី៩ ខែមករា ឆ្នាំ២០២២នេះ ត្រង់ចំណុចភូមិទី៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
បើយោងតាមសេចក្តីរាយការណ៍របស់ប្រជាពលរដ្ឋនៅកន្លែងកេីតហេតុ បានឱ្យដឹងថា ជនរងគ្រោះឈ្មោះ ណូ ពៅ ភេទប្រុស អាយុ ៥៤ឆ្នាំ បុខរបរលក់ដូរ រស់នៅភូមិទី២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
ប្រភពដដែលបន្តថា មុនពេលកើតហេតុគេឃើញជនរងគ្រោះជិះរថយន្តមួយគ្រឿង កំពុងបើកបរម្នាក់ឯង ភ្លាមនោះរថយន្ដក៏ឈប់ចតនៅលេីចិញ្ចើមផ្លូវ ទំនងជាគាត់មានជំងឺខ្យល់គ បណ្ដាលឱ្យគាំងបេះដូងស្លាប់តែម្តង។
ក្រោយកេីតហេតុបង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចចុះមកពិនិត្យជាក់ស្ដែងនៅក្នុងរថយន្ត រួចបានបញ្ជាក់ថា ជនរងគ្រោះស្លាប់ដោយគាំងបេះដូង ។
ចំណែកសម្ភារលើរថយន្ត និងសាកសពត្រូវបានប្រគល់ជូនប្រពន្ធជនរងគ្រោះដើម្បីយកទៅធ្វើបុណ្យតាមប្រពៃណី៕
ដោយ៖សហការី
