សារព័ត៌មាន នគរវត្ត តែងតែនាំមុខគេជានិច្ច
ក្លិប Everton ចាប់អារម្មណ៍លើគ្រូបង្វឹកសញ្ជាតិបែលហ្ស៊ិកលោកRoberto Martinez ត្រឡប់មកក្លិបវិញ ហើយបានទាក់ទងជាមួយសមាគមបាល់ទាត់បែលហ្ស៊ិកផងដែរ។
លោកមានការស្ទាក់ស្ទើរក្នុងការដឹកនាំក្រុមជាមួយនឹងការប្រកួត World Cup នៅប្រទេសកាតាក្នុងខែវិច្ឆិកាខាងមុខ ហើយជឿជាក់ថា ពួកគេនឹងអាចទាក់ទាញគាត់មកដឹកនាំក្លិប។
លោក Martinez មានឈ្មោះខ្ពស់ក្នុងបញ្ជីអ្នកប្រជែងជាគ្រូបង្វឹកEverton ដើម្បីស្នងតំណែងលោក Rafael Benitez ដែលត្រូវបានបណ្តេញចេញកាលពីថ្ងៃអាទិត្យ។
លោក Martinez ក៏ធ្លាប់បានដឹកនាំ Everton ពីឆ្នាំ២០១៣ រហូតដល់គាត់ត្រូវបានបណ្តេញចេញនៅឆ្នាំ២០១៦។ បន្ទាប់មកគាត់បានក្លាយជាអ្នកចាត់ការក្រុមជម្រើសជាតិបែលហ្ស៊ីកក្នុងខែសីហា ឆ្នាំ២០១៦ ដោយទទួលបានចំណាត់ថ្នាក់លេខ៣នៅ World Cup ២០១៨ ហើយគាត់ក៏ធ្វើជានាយកបច្ចេកទេសរបស់ក្រុមជម្រើសជាតិផងដែរ។
ក្រុមបែលហ្សុិក ដែលជាក្រុមចំណាត់ថ្នាក់លេខ១របស់ពិភពលោក ស្ថិតក្នុងចំណោមក្រុមដែលពេញចិត្តសម្រាប់ការប្រកួតបាល់ទាត់ពិភពលោកឆ្នាំនេះ។ ការរំពឹងទុករបស់លោក Martinez ដែលធ្វើការងារទាំង Everton និងក្រុមបែលហ្ស៊ិកត្រូវបានកើតឡើង ប៉ុន្តែ FA របស់បែលហ្ស៊ិកនឹងច្រានចោលការលើកឡើងក្នុងករណីនេះ ខណៈដែលការសម្រាកចុងរដូវកាលរបស់ក្លិប, ការប្រកួត World Cup ធ្វើឡើងនៅក្នុងខែវិច្ឆិកា និងខែធ្នូនៅកាតាសុទ្ធតែជាការមមាញឹករបស់គ្រូបង្វឹក។
លោក Martinez រក្សាការគាំទ្រនៅក្នុងបន្ទប់ប្រជុំរបស់ Everton បើទោះបីជាអ្នកចាត់ការដំបូងក្នុងចំណោមអ្នកចាត់ការ៥នាក់ដែលត្រូវបានបណ្តេញចេញដោយម្ចាស់បច្ចុប្បន្នលោក Farhad Moshiri ដែលបានចាកចេញកាលពីខែឧសភា ឆ្នាំ២០១៦បន្ទាប់ពីដឹកនាំ៣រដូវកាល។
លោក Martinez គឺជាបេក្ខជនម្នាក់ក្នុងចំណោមបេក្ខជនមួយចំនួនដែលកំពុងពិភាក្សានៅពេលដែល Everton ព្យាយាមចាកចេញពីរជ្ជកាលដ៏អាក្រក់ក្រោមការដឹកនាំរបស់លោក Benitez ដែលបានបញ្ចប់តំណែងចំពេលមានកំហឹង និងការតវ៉ារបស់អ្នកគាំទ្រក្នុងអំឡុងពេលបរាជ័យក្នុងលទ្ធផល ២-១ កាលពីថ្ងៃសៅរ៍នៅឯក្រុម Norwich City ។
អតីតខ្សែប្រយុទ្ធក្រុម Everton កីឡាករ Wayne Rooney ក៏ទំនងជាគិតនៅក្នុងការពិភាក្សាដែលកំពុងធ្វើការងារដ៏ល្អពេលលោកកំពុងដឹកនាំនៅក្លិប Derby County ខណៈដែលអតីតអ្នកចាត់ការ Chelsea លោក Frank Lampard គឺជាឈ្មោះមួយផ្សេងទៀតដែលត្រូវបានគេចាត់ទុកថាជាគោលដៅសក្តានុពល។
ជំនួយការអ្នកចាត់ការទូទៅរបស់ Everton លោក Duncan Ferguson ដែលជាបុគ្គលិកបន្តបន្ទាប់នៃអ្នកគ្រប់គ្រងដែលត្រូវបានបណ្តេញចេញ គឺជាបេក្ខភាពមួយផ្សេងទៀត បើទោះបីជាអាចមានសារសំខាន់ដែលសេចក្តីថ្លែងការណ៍ដែលប្រកាសពីការចាកចេញរបស់លោក Benitez។
ប្រសិនបើ Everton មិនអាចទទួលបានគ្រូបង្វឹកទាន់ពេលទេ ក្លិបមានលទ្ធភាពឲ្យលោក Ferguson ទទួលបន្ទុកបណ្តោះអាសន្នជាលើកទី២រហូតដល់មានគ្រូបង្វឹកថ្មីមកជំនួសដោយចាប់ផ្តើមជាមួយនឹងការប្រកួតក្នុងផ្ទះនៅថ្ងៃសៅរ៍ជាមួយក្រុម Aston Villa ៕
ដោយ៖ ភារៈ(រូបភាព ៖ BBC Sport)
