សារព័ត៌មាន នគរវត្ត តែងតែនាំមុខគេជានិច្ច
ក្រុមជម្រើសជាតិអេហ្ស៊ីបបានយកឈ្នះក្រុមស៊ូដង់ដើម្បីបញ្ចប់ក្នុងចំណាត់ថ្នាក់លេខ២ក្នុងពូល D និងឡើងទៅវគ្គ១៦ក្រុមចុងក្រោយនៃពាន Africa Cup of Nations កាលពីរាត្រីថ្ងៃទី១៩ ខែមករាម្សិលមិញ។
កីឡាករ Mohamed Abdelmonem រកបាន១គ្រាប់ឲ្យអេហ្ស៊ីបក្នុងការប្រកួតនេះ ដោយបានតែតបាល់ជ្រុងរបស់ Abdallah El Said នៅនាទីទី៣៥។ ចំណែកក្រុមស៊ូដង់បានផ្ដល់ជូនតិចតួច ខណៈដែលអេហ្ស៊ីបក៏មានឱកាសមួយដែរតាមរយៈការស៊ុតបាល់របស់ខ្សែប្រយុទ្ធMohamed Salah ប៉ុន្តែត្រូវបានសង្គ្រោះយ៉ាងល្អដោយអ្នកចាំទី Ali Abu Eshrein នៅតង់ទី២។
ក្រោយពីជ័យជម្នះនេះក្រុមអេហ្ស៊ីបនឹងត្រូវជួបក្រុមឈ្នះក្នុងពូល E នៅថ្ងៃពុធ ទី២៦ ខែមករាខាងមុខ។ ក្រុមអេហ្ស៊ីបបានបញ្ចប់៣ពិន្ទុតាមពីក្រោយក្រុមឈ្នះក្នុងពូល D នីហ្សេរីយ៉ា ដែលបានយកឈ្នះហ្គីណេ-ប៊ីសសៅ ២-០។
ស៊ូដង់ ដែលជាជើងឯកកាលពីឆ្នាំ១៩៧០ និងបានលេងក្នុងការប្រកួតដ៏សំខាន់លើកដំបូងរបស់ពួកគេចាប់តាំងពីឆ្នាំ២០១២ បានបញ្ចប់ក្នុងចំណាត់ថ្នាក់លេខ៣ក្នុងតារាង ដោយប្រមូលបាន១ពិន្ទុ និងស៊ុតបញ្ចូលទីបានតែ១គ្រាប់ប៉ុណ្ណោះ។ ចំណែកអេហ្ស៊ីបដែលឈ្នះជើងឯក៧សម័យឥឡូវបានឈានដល់វគ្គជម្រុះក្នុងចំណោមការបង្ហាញខ្លួន៦លើកចុងក្រោយរបស់ពួកគេនៅ Nations Cup។
លទ្ធផលនេះធ្វើឲ្យក្រុមអេហ្ស៊ីបឈរចំណាត់ថ្នាក់លេខ២ក្នុងពូល D មាន៦ពិន្ទុ ក្នុង៣ប្រកួតវគ្គជម្រុះតាមពូល នឹងត្រូវប៉ះក្រុមលេខ១ក្នុងពូល E នៅវគ្គ១៦ក្រុមចុងក្រោយនៃពានរង្វាន់ Africa Cup of Nations ។
សម្រាប់ការប្រកួតបញ្ចប់វគ្គជម្រុះតាមពូលនៅរាត្រីថ្ងៃទី២០ ខែមករានេះគឺមាន៤គូដូចជា ក្រុមកូឌីវ័រប៉ះអាល់ហ្សេរី (ម៉ោង១១យប់), ក្រុមសេរ៉ាឡេអូនប៉ះក្រុមអេក្វាឌ័រហ្គីណេ (ម៉ោង១១យប់), ក្រុមហ្គាមប៊ីប៉ះក្រុមទុយណេស៊ី (ម៉ោង២រំលងអធ្រាត្រ) និងក្រុមម៉ាលី ប៉ះក្រុមម៉ូរីតានី (ម៉ោង២រំលងអធ្រាត្រ) ៕
ដោយ៖ ភារៈ(រូបភាព ៖ BBC Sport)
