សារព័ត៌មាន នគរវត្ត តែងតែនាំមុខគេជានិច្ច
ក្លិបអ្នកមានបុណ្យ Barcelona បានបើកការពិភាក្សាជាមួយក្លិប Wolves លើកិច្ចព្រមព្រៀងមួយដើម្បីចុះហត្ថលេខាលើខ្សែបម្រើស្លាបសញ្ជាតិអេស្ប៉ាញ Adama Traore ឡើងវិញ។ ក្លិបយក្សនៅអេស្ប៉ាញចង់បានកិច្ចព្រមព្រៀងខ្ចីជើងដំបូងដោយមានកាតព្វកិច្ចទិញនៅចុងបញ្ចប់នៃរដូវកាលនេះ។
ការផ្លាស់ប្តូរនេះបញ្ចប់ក្តីសង្ឃឹមរបស់ក្រុម Tottenham ក្នុងការចុះហត្ថលេខាលើកីឡាករវ័យ២៦ឆ្នាំរូបនេះដែរដែលបានចាប់ផ្តើមអាជីពរបស់គាត់នៅ Barcelona។ ក្រុមរបស់លោក Antonio Conte មានការដេញថ្លៃ១៥លានផោនសម្រាប់ Traore ត្រូវបានច្រានចោលកាលពីសប្តាហ៍មុន បើទោះបីជាប្រភពនៅក្លិបនៅទីក្រុងឡុងបដិសេធការផ្តល់ជូនក៏ដោយ។
Traore នៅសល់១៨ខែទៀតលើកិច្ចសន្យារបស់គាត់នៅ Wolves ហើយការពិភាក្សាលើកិច្ចព្រមព្រៀងថ្មីមិនទាន់ឈានដល់កិច្ចព្រមព្រៀងនៅឡើយ។
គាត់បានចាកចេញពី Nou Camp ទៅ Aston Villa ក្នុងឆ្នាំ២០១៥ ហើយបានចំណាយពេល២ឆ្នាំនៅ Middlesbrough មុនពេលចូលរួមជាមួយ Wolves ក្នុងតម្លៃកំណត់ត្រាក្លិប១៨លានផោនក្នុងឆ្នាំ២០១៨។
ខ្សែបម្រើស្លាបរូបនេះបានបង្ហាញខ្លួនឲ្យក្លិប Wolves ចំនួន១៥៤ប្រកួតដោយស៊ុតបញ្ចូលទីបាន១១គ្រាប់។ Wolves មិនទាន់សម្រេចចិត្តថា តើពួកគេនឹងពង្រឹងក្រុមរបស់ពួកគេបន្ទាប់ពីការមកដល់របស់ Chiquinho ពី Estoril កាលពីសប្តាហ៍មុននៅឡើយទេ ៕
ដោយ៖ ភារៈ(រូបភាព ៖ BBC Sport)
