សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ ជនសង្ស័យម្នាក់ រួមនិងគ្រឿងញៀនជិត២០កញ្ចប់ ត្រូវកម្លាំងប្រឆាំងបទល្មើសគ្រឿងញៀន នៃអធិការដ្ឋាននគរបាលក្រុងព្រះសីហនុ ធ្វើការស្រាវជ្រាវរហូតឈានដល់ការចុះបង្រ្កាប និងឃាត់ខ្លួនជាក់ស្តែង។ នេះបេីយោងតាមប្រភពព័ត៌មានពីស្នងការដ្ឋាននគរបាលខេត្តព្រះសីហនុ។
ជនសង្ស័យមានឈ្មោះ សុខ ហេង ភេទប្រុស ឆ្នាំកំណេីត ១៩៩៣ ជនជាតិវៀតណាម មុខរបរលក់ពងមាន់អាំង ទីលំនៅបច្ចុប្ប្ន្ននក្រុម១៦ ភូមិ០១ សង្កាត់ ០៤ ក្រុង-ខេត្តព្រះសីហនុ ស្រុកកំណេីត កោះស្តេច ខេត្តកោះកុង ។
ប្រភពដដែលបន្តថា ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ នៅថ្ងៃព្រហស្បតិ៍ ៩កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែកុម្ភៈ ឆ្នាំ២០២២នេះ កម្លាំងប្រឆាំងបទល្មើសគ្រឿងញៀន នៃអធិការដ្ឋាននគរបាលក្រុងព្រះសីហនុបានឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន នៅវេលាម៉ោង១១និង០០នាទី ស្ថិតនៅភូមិដូង ក្រុម១៧ ភូមិ០១ សង្កាត់លេខ០៤ ក្រុង-ខេត្តព្រះសីហនុ ។
ដោយឡែកវត្ថុតាងរួមមាន៖
-ម្សៅក្រាមពណ៌សថ្លាសង្ស័យសារធាតុញៀន ១៨ កញ្ចប់
-ទូរស័ព្ទ០១គ្រឿង
-ម៉ូតូ ០១គ្រឿង ។
បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និងចាត់ការតាមផ្លូវច្បាប់ ៕
ដោយ៖សហការី
