សារព័ត៌មាន នគរវត្ត តែងតែនាំមុខគេជានិច្ច
ក្រុមភ្ញៀវបិសាចក្រហម Manchester United បានបន្តកាន់កាប់លេខ៤ក្នុងតារាងលីគកំពូលអង់គ្លេស ក្រោយពីបានបំបាក់ក្រុមម្ចាស់ផ្ទះLeeds United ក្នុងលទ្ធផល ៤ទល់២ នៅកីឡដ្ឋាន Elland Road ដើម្បីដណ្តើមយកជ័យជម្នះដ៏សំខាន់ និងរក្សាការក្តាប់របស់ពួកគេនៅលើកំពូលតារាង Top 4 នៅក្នុង Premier League ។
ក្រុម Manchester United បានគ្រប់គ្រងបាល់បានល្អក្នុងតង់ទី១ ដោយរកបាន២គ្រាប់នាំមុខក្រុមម្ចាស់ផ្ទះ Leeds ដោយគ្រាប់ទី១រកបានដោយប្រធានក្រុម Harry Maguire តែតបាល់បញ្ចូលទីបន្ទាប់ពីការបញ្ជូនបាល់ពីLuke Shaw ហើយគ្រាប់ទី២កើតឡើងដោយ Bruno Fernandesបានតែតបញ្ចូលទីបន្ទាប់ពីការបញ្ជូនពីJadon Sancho នៅពាក់កណ្តាលតង់។
ទោះជាយ៉ាងណាក៏ដោយ Leeds បានខិតខំរកបានគ្រាប់បាល់២គ្រាប់សងវិញនៅតង់ទី២ ដោយកីឡាករ Rodrigo នៅនាទីទី៥៣ និងគ្រាប់ទី២រកបានដោយកីឡាករបម្រុង Raphinha នៅនាទីទី៥៤។
ក្រុមបិសាចក្រហម Manchester United បានបន្តស្វែងរកគ្រាប់បាល់២គ្រាប់បន្ថែមទៀតក្នុងតង់ទី២ ដោយអ្នកចាត់ការលោក Ralf Rangnick បានធ្វើការផ្លាស់ប្តូរកីឡាករ Fred ចូលជំនួស ហើយបានរកគ្រាប់បាល់ទី៣ នៅនាទីទី៧០ និងគ្រាប់បាល់ទី៤រកបានដោយខ្សែប្រយុទ្ធបម្រុង Anthony Elanga នៅនាទីទី៨៨ជិតចប់ការប្រកួត។
ជ័យជម្នះរបស់ Manchester United បានធ្វើឲ្យអ្នកចាត់ការលោកRangnick សមនឹងទទួលបានកិត្តិយសសម្រាប់ការផ្លាស់ប្តូរដែលបានស្ដារ លំនឹងរបស់ក្រុមដូចជា កីឡាករ Fred និង Elanga ដែលរកបានម្នាក់១គ្រាប់ក្នុងតង់ទី២។
ជ័យជម្នះនេះបានធ្វើឲ្យក្រុម Manchester United រីករាយក្នុងការឈ្នះលើកទី១របស់ពួកគេក្នុងមួយសប្តាហ៍ ហើយឈរនៅលេខរៀងទី៤ ចាញ់៤ពិន្ទុតាមពីក្រុមលេខ៣ Chelsea និងលើស៤ពិន្ទុនាំមុខក្រុមលេខ៥West Ham ប៉ុន្តែដឹងថា ពួកគេត្រូវការបន្តឈ្នះជាមួយក្រុម Arsenal ៤ពិន្ទុតាមពីក្រោយក្រុមលេខ៦ជាមួយនឹងការប្រកួតនៅសល់ចំនួន៣នៅក្នុងដៃ។
ចំណែកក្រុម Leeds United ក្រោយចាញ់ការប្រកួតនេះបានឈរលេខរៀងទី១៥ មាន២៣ពិន្ទុ ក្នុង២៤ប្រកួត។ ក្រុមនេះនឹងត្រូវធ្វើការធ្ងន់ដោយត្រូវប៉ះក្រុម ហង្សក្រហម Liverpool នៅថ្ងៃទី២៤ ខែកុម្ភៈខាងមុខទៀត ៕
ដោយ៖ ភារៈ(រូបភាព ៖ BBC Sport)
